بلوچستان سرکار ءَ سرجمیں بلوچستان ءَ 15روچ ءَ دفعہ 144 جتگ۔ محکمہ بلوچستان گچینی جارانکانی سر ءَ اے گامگیج چست کنگ بوتگ ءُ یکم اگست ءَ چہ سرجمیں بلوچستان ءَ ایشی ءِ سر ءَ امل کنگ بیت۔
محکمہ داخلہ ءِ نیمگ ءَ چہ شنگ بوتگیں نوٹیفکیشن ءِ رد ءَ دفعہ 144 ءِ رد ءَ کجام ھم سرکاری جاھ ءَ چار یا گیش مردمانی مچی ءِ سر ءَ بندش جنگ بیتگ وھدیکہ مچی، جلسہ، سرکاری مچی ءُ سلاھانی پیشدارگ ءِ سر ءَ ھم سرجمیں بندش جنگ بیت۔ ھلاپ ورزی کنوکانی ھلال ءَ قانونی کارروائی کنگ بیت ۔
زانگ بہ بیت گوستانکی رد ءَ اے ماہ ءَ بلوچ آجوئی ءِ گلانی کاروائیانی تہ ءَ گیشی دیگ بیتگ –
اگست ءِ اولی دو ھپتگ گوستگیں وھداں گیشتر دلگوشداری بوتگ انت۔
دومی نیمگ ءَ بلوچستان ءَ پرکاریں سلاہ بندیں آجوئی ءِ گلاں چہ لس مھلوک ءَ دزبندی کتگ کہ آ 14 اگست ءِ مراگشاں چہ دور بہ بنت-
گوست ءَ ب پاکستان ءِ آجوئی ءِ درگت ءَ برجم داشتگیں مراگشانی سر ءَ اُرش ءَ ابید پاکستانی بیرک ءِ ایر کنگ ءِ اسٹالانی سر ءَ ھم اُرش کنگ بیتگ انت۔