بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں ھژدہ جولائی ءِ شپ ءِ کساس نُھ نیم ءَ سوراب ءَ زورگریں پاکستانی پوج ءِ بُنجاھی بُنجل سر ءَ اُرش کتگ دُژمن ءِ شش کارندہ کُشتگ، گل ءِ انٹیلیجنس ونگ ءَ ھال داتگ کہ دُژمنیں پوج ءِ کارندہ بُنجل ء چہ ڈن یک دیوانے ءَ دلگوش اَنت-
جارکش ءَ گْوشتگ کہ بی ایل ایف ءِ سرمچاراں ھما وھد ءَ کاروائی کنان ءَ دیوان ءَ نشتگیں پوجی ءِ کارندہ پیسر ءَ دستی بمبے چگل داتگ، پد آیانی سر ءَ تُرندیں تیرگواری کتگ چریشی ءِ آسر ءَ دُژمن ءِ شش کارندہ جاہ پہ جاھی مرتگ اَنت – اُرش ءَ پد دُژمنیں پوج ءَ سرمچارانی انگیر ءِ کنگ ءِ بے سوبیں جُھدے کنان ءَ سر ءُ دیم تیرگواری کتگ ءُ یک مزنیں دوری ءَ تاں جتاجتائیں نیمگاں لَس آبادی نشانگ کنان ءَ بازیں گولھے آس دتگ، وھدے کہ سرمچار شپ ءِ تھاروکی ءِ سوب زرتگ ءُ پہ سلامتی وتی مُھریں اوتاکاں واتر سر بیتگ اَنت-
جارکش ءَ گْوشتگ بی ایل ایف سوراب ءَ زورگریں پاکستانی پوج ءِ بُنجاھی بُنجل سر ءِ اُرش ءَ شش کارندھانی کوش ءُ یک درزنے ءَ چہ گیش کارندھانی ٹپی کنگ ءِ زمہ واری ءَ منّ اِیت-