شال: بمب تراک ءَ پاکستانی پوج ءِ میجر بیران

بلوچستان ءِ بنجاھی شھر شال ءَ ناشناسانی بمب تراک ءَ پاکستانی پوج ءِ میجر انور کاکڑ جاہ پہ جاہ ءَ بیران بیتگ-

اھوالانی رد ءَ شال ءِ دمگ جبل نور ءَ میجر انور کاکڑ ءِ گاڑی بمبے ءِ نشانگ کنگ بیتگ کہ چریشی ءَ آ ھما جاہ ءَ بیران بیتگ-

اھوالانی رد ءَ میجر انور کاکڑ ءِ گاڑی ءَ لِچوکیں بمبے پِٹ کنگ بیتگ کہ چریشی ءَ بمب ترک اتگ ءُ آ ھما جاہ ءَ بیران بیتگ –

اھوالانی رد ءَ میجر انور کاکڑ پاکستانی پوج ءِ‘ آئی ایس پی آر’ ءَ گوں پیش ءَ بندوک بیتگ-

میجر انور کاکڑ ءِ سر ءَ بیتگیں اُرش ءِ زمہ واری داں انگت ءَ کس ءَ پہ وت نہ زرتگ – گوست ءَ بلوچ آجوئی لوٹوکیں سلاہ بندانی نیمگ ءَ پاکستانی پوج ءَ بندوکیں مردم ءُ کارندہ نشانگ کنگ بیتگ انت-