ھاران شھر ءَ برجاہ ڈی آئی جی کارگس ناشناسیں سلاہ بندیں مردماں تراکاں چہ نشانگ کتگ، چریشی ءِ آسر ءَ سے مردم ٹپی بیتگ اَنت-
دمگی اِھوالکار رِد ءَ اُرش ءِ میان ءَ تُرندیں تراکانی توار اش کنگ بیتگ، چریشی ءَ پد تیرگواری درچ ھم داں دیراں برجاہ بیتگ- ٹپی زوت سول ہسپتال ھاران ءَ برگ بیتگ اَنت-
زانگ بہ بیت کہ ھاران بلوچستان ءِ ھما دمگ ھوار اِنت کہ اود ءَ جتاجتائیں وھداں پاکستانی پوج، پولیس ءُ لیویز سر ءَ جتاجتائیں وھداں وڑ وڑیں اُرشانی دیمپانی کنگ کپتگ-
بلے مروچی بیتگیں وئیل زمہ واری انگت ھچ گل ءَ نہ زرتگ-