بلوچستان ءِ دمگ کیچ ءِ ھند بُلیدہ ءَ ناشناسیں سلاہ بندیں مردماں پاکستانی لشکر ءِ واستا سامان بروکیں دو گاڑی گپتگ انت۔
دمگی مردمانی رد ءَ اے وئیل چار شمبے ءِ بیگاہ ءَ ھما وھد ءَ بوتگ کہ سامان ءِ باریں دوئیں گاڑی چہ بلیدہ ءِ دمگ گروک ءَ گوزگ ءَ بوتگ اَنت۔
چمدیستگینانی گشگ انت کہ سلاہ بندیں مردماں گاڑی اوشتارینتگ انت ءُ ڈرائیوراں ھوار ناشناسیں جاھے ءَ برتگ انت۔
یات دارگ بہ بیت کہ بُلیدہ ءَ گوست ءَ ھم پاکستانی لشکر ءِ سر ءَ بازیں اُرش بوتگ انت ۔ اے وئیلانی زمہ واریاں بلوچ آجوئی لوٹوکیں سلاھبندیں گل منگ ءَ انت بلے انگت ءَ کس ءَ اے وئیل ءِ زمہ واری نہ زرتگ۔