کلات ءُ تربت اُرشاں پوج ءِ شش کارندہ کشتگ انت – بی ایل اے

بلوچ لبریشن آرمی ءِ جارکش جیئند بلوچ ءَ شنگ کتگیں درشان ءِ تہ ءَ کلات ءُ تربت ءَ چار جتاجتائیں اُرشاں زورگریں پاکستانی پوج نشانگ کتگ- اے اُرشاں آئی ای ڈی ءُ تچکی ءَ سلاہ بندیں اُرش ھوار اَنت-

جارکش ءَ گْوشتگ بلوچ لبریشن آرمی ءِ سرمچاراں مروچی کلات ءِ دمگ مکئی جوھان کراس نزیک ءَ زورگریں پاکستانی پوج دو آئی ای ڈی اُرشاں نشانگ کتگ اَنت- سرمچاراں اولی اُرش زورگریں پوج ءِ بمب ڈسپوزل ٹولی ءِ پیادگ کارندہ ھما وھد ءَ ریموٹ کنٹرول آئی ای ڈی اُرش ءَ نشانگ کتگ اَنت وھدے آ کلئرینس ءَ دلگوش بیتگ اَنت- تراک ءِ آسر ءَ یک کارندھے جاہ پہ جاھی مرتگ ءُ دومی سک ٹپی بیتگ-

جارکش ءَ گْوشتگ کہ سرمچاراں ھمے ھند سر ءَ زورگریں پوج ءِ پیادگ کارندہ دگہ یک ریموٹ کنٹرول آئی ای ڈی اُرش ءِ نشانگ کتگ اَنت چریشی ءِ آسر ءَ زورگریں پوج ءِ دگہ دو کارندہ مرتگ ءُ یکے ٹپی بیتگ-

جارکش ءَ گوشتگ کہ بلوچ لبریشن آرمی ءِ سرمچاراں مروچی مگرب ءِ وھد ءَ کلات ءِ دمگ مورگند ءَ زورگریں پاکستانی پوج ءِ کارندہ ھما وھد ءَ اسنائپر اُرش ءِ نشانگ کتگ وھدے آ وتی پوسٹ ءِ نزیک ءَ راشن برگ ءِ ھاتر ءَ سر بیتگ، اسنائپر اُرش ءَ زورگریں پوج ءِ یک کارندھے جاہ پہ جاھی مرتگ- اے میان ءَ سرمچاراں زورگریں پوج ءِ پوسٹ سر ءَ مزنیں سلاھاں چہ اُرش کتگ ءُ گرنیڈ لانچر ءَ چہ مزنیں سلاھاں چہ اُرش کتگ ءُ گرنیڈ لانچر چہ بازیں گولھے آس داتگ چریشی ءِ آسر ءَ دُژمن ءَ گیش جانی ءُ مالی تاوان چست کنگ کپتگ-

جارکش ءَ گوشتگ بلوچ لبریشن آرمی ءِ سرمچاراں یکشمبے ءِ شپ ءَ تربت ءِ دمگ گھنہ ءَ زورگریں پاکستانی پوج ءِ گاڑیانی کاروان سنگر گپتگ ءُ اُرش ءِ نشانگ کتگ- زورگریں پوج ءِ دو گاڑی تچکی ءَ اُرش ءِ نشانگ ءَ اَتکگ اَنت وھدے کہ دگہ کارندہ گاریاں چہ تتکگ اَنت- اُرش ءِ آسر ءَ زورگریں پوج ءِ کم چہ کم دو کارندہ مرتگ ءُ بازین ئِے ٹپی بیتگ اَنت-

جارکش ءَ گْوشتگ بلوچ لبریشن آرمی اے اُرشانی زمہ واری ءَ منّ اِیت-