کلات : پاکستانی پوج ءِ پوسٹ ءِ سر ءَ اُرش بیرانیانی ھال

کلات ءَ پاکستانی پوج ءِ پوسٹ ءِ سر ءَ اُرش، تیرگواری ءُ تراکاں چہ دمگ جکستگ-

بلوچستان ءِ دمگ چہ کلات ءَ ھالانی رد ءَ مورگندر ءَ ناشناسیں سلاہ بندیں مردماں پاکستانی پوج ءِ پوسٹ ءِ اُرش ءِ نشانگ کتگ اود ءَ تُرندیں تیرگواری ءُ تراکانی توار اش کنگ بیتگ-

وئیل ءَ پوج ءَ جانی ءُ مالی تاوان ءِ ھال ھم دزکپتگ، وھدے کہ اے میان ءَ پوج ءَ جتاجتائیں نیمگاں مارٹر گولہ آس داتگ-

مروچی کلات ءَ پاکستانی پوج سر ءَ بیوکیں اے سیمی اُرش اِنت اشی ءَ ساری مروچی سُھب ءَ کلات ءِ دمگ مکئی ءَ پاکستانی پوج ءَ دو جتاجتائیں بمب تراکاں نشانگ کنگ بیتگ اَنت-

زانگ بہ بیت کہ اے دمگ ءَ بلوچ آجوئی لوٹوکیں سلاہ بندیں گل پُرکار اَنت ءُ پاکستانی پوج سر ءَ اُرش کنگ ءُ آیگ ءَ اَنت بلے تنی وھدے اے اُرشانی زمہ واری ھچ گل ءَ نہ زرتگ اَنت-