زامران ءَ پاکستانی پوج ءُ راشن بروکیں گاڑیانی سر ءَ بیتگیں اُرش زمہ واری براس ءَ منّ اِتگ

بلوچ راجی آجوئی سنگر ( براس ) ءِ سرمچاراں زامران ءَ زورگریں پاکستانی پوج ءُ آئی ءِ راشن بروکیں گاڑی اُرش ءِ نشانگ کتگ اَنت-

براس ءِ جارکش بلوچ ھان ءَ وتی شنگ کتگیں درشان ءِ تہ ءَ گوشتگ کہ مئے سرمچاراں بیست ھشت جولائی ءِ شپ ءَ زامران ءَ نوانو ءِ نزیک ءَ بُنجاھی دگ سر ءَ ناکہ بندی کتگ زورگریں پاکستانی پوج ءِ راشن بروکیں گاڑی مانداشتگ ءُ تیرگواری کتگ ءُ تباہ کتگ اَنت، وھدے کہ ڈرائیور کڈن کنگ ءَ پد یل داتگ اَنت-

جارکش ءَ گوشتگ سرمچاراں شوربندی ءِ بُنیاد ءَ سنگر گپتگ، دومی روچ ءَ دمگ ءَ زورگریں پاکستانی پوج ءِ پرپٹ ءُ گاڑیانی کاروان ریموٹ کنٹرول آئی ای ڈی اُرش ءَ نشانگ کنگ ءَ پد سنگر گپتگ ءُ گیشیں اُرش کتگ – سرمچاراں وتکاریں ءُ مزنیں سلاھاں چہ زورگریں پوج سر ءَ تیرگواری کتگ، چریشی ءِ آسر ءَ یکجاھی ھساب ءَ زورگریں پوج ءِ پنچ کارندہ مرتگ ءُ بازین ئِے ٹپی کتگ اَنت-

جارکش ءَ گوشتگ زامران ءَ لھتے دمگی مردم زورگریں پاکستانی پوج ءَ راشن ءُ دگہ سامان ءِ سرکنگ ءَ ھمگرنچ اَنت – اے کار تچکی ءَ زورگریں پوج ءِ کمکاری ءِ ھساب ءَ کئیت، بلوچ راجی آجوئی سنگر ( براس) اے سرجمیں مردماں کڈن کن ایں کہ آ زوت اے کار ءَ یل بہ کن اَنت-

جارکش ءَ گوشتگ کہ زورگریں پوج ءَ سامان سر کنوکیں مردماں کڈن کن ایں کہ اگاں آیاں اے کار یل نہ کت گُڑا دیمتر ءَ مئے اُرش تُرندتر بنت ءُ اشی ءِ آسر ءَ آ وتی جانی ءُ مالی تاوان ءِ زمہ وار وت بنت-

جارکش ءَ گوشتگ بلوچ راجی آجوئی سنگر ( براس) اے اُرشانی زمہ واری ءَ منّ اِیت – زورگریں پاکستانی پوج ءُ آئی ءِ شریکدارانی سر ءَ مئے اُرش یکشل ءَ برجاہ بنت-