ڈھاڈر، راجن پور ءُ سھبت پور اُرشانی زمہ واری بی آر جی ءَ منّ اِتگ اَنت

بلوچ ریپبلکن گارڈز ءِ جارکش دوستین بلوچ ءَ وتی شنگ کتگیں یک درشانے ءِ تہ ءَ گْوشتگ کہ مئے سرمچاراں بیست ھپت جولائی ءِ شپ ءَ بلوچستان ءِ دمگ کچی ءِ ھند ڈھاڈر ءَ ایریگیشن کارگس ءِ دیم ءَ زورگریں پاکستانی پولیس گوں دستی بمب اُرش ءَ نشانگ کتگ- اُرش ھما وھد ءَ کتگ وھدے آ کارگس ءِ دیم ءَ ڈیوٹی ءَ ساڑی بیتگ اَنت – تراک ءِ آسر ءَ زورگریں پولیس ءَ جانی ءُ مالی تاوان چست کنگ کپتگ-

جارکش ءَ گوشتگ بلوچ ریپبلکن گارڈز ءِ سرمچاراں راجن پور ءِ دمگ مرگائی ءَ 36 انچ گیس پائپ لائن تراکناکیں شورو پِٹ کتگ ءُ تباہ کتگ-

جارکش ءَ گوشتگ کہ گوستگیں شپ ءَ مئے سرمچاراں سھبت پور ءِ دمگ جروار ءَ سرکاری جوڑ بؤکیں دگ سر ءَ کارکنوکیں پوجی بند ساچی شرکت ءِ مشینری تیرگواری کتگ ءُ سک تاوان داتگ اَنت-

جارکش ءَ گوشتگ اے اُرشانی زمہ واری ءَ مئے گل بی آر جی منّ اِیت ءُ مئے اے وڑیں اُرش داں بلوچستان ءِ وتواجھی ءَ برجاہ بنت-