جامعہ کراچی فلسفہ ءِ تَک ءِ نودربر مسلم داد ء صاحب داد گوستگیں بیگاہ ءَ چہ جامعہ کراچی مسکان گیٹ ءِ دیم ءَ بیگواہ بوتگ کہ ایشی ءَ پد آئی ءِ کھول ءُ ھمراھیں نودربر سک پریشان اَنت۔
مسلم داد ءِ سیادی بلوچستان ءِ دمگ آواران ءِ دمگ مشکے ءَ انت ءُ آ جامعہ کراچی ءَ فلسفہ ءِ چارمی سمسٹر ءِ نودربر اِنت۔
دمگی مردمانی رد ءَ آ گوں سنگتاں ھاسٹل ءَ واتر آیگ ءَ بوتگ کہ ناشناسیں مردماں آوار جتگ ۔
مسلم داد جامعہ کراچی ءَ وانوکیں نودربراں یک گیش وانوک ءُ جاڑیگیں نودربرے ءِ بستار ءَ زانگ بیت۔ آئی ءِ بیگواھی ءَ نہ ایوک ءَ آئی ءِ کھول ءِ مردم سک گم ءُ اندوہ ءِ آماچ کتگ اَنت بلکیں جامعہ ءَ وانگ ءَ ایں نودربر ءُ ھاسیں رنگے ءَ بلوچ نودربرانی تہ ءَ ھم مزنیں جیڑھے ودی بیتگ-