بلوچستان ءِ دمگ دکی ءَ سئے مردمانی تیرسپتگیں لاش دزکپتگ انت۔
لیویز ءِ بنشون ءِ رد ءَ نانا صاحب زیارت ءِ نزیک ءَ نرھن کور ءَ سئے مردمانی لاش دست کپتگ انت۔ ھر سئیں تیرگواری ءَ چہ بیران بوتگ اَنت۔ لاشانی نزیک ءَ بلوچستان ءِ بیرک دست کپتگ اَنت۔
بیران بوتگیں مردمانی لاش پہ پوسٹ مارٹم ءَ نادراھجاہ ءَ دیم دیگ بوتگ اَنت بلے انگت ءَ آھانی پجار نہ بوتگ۔
زانگ بہ بیت کہ پاکستانی لشکر ءَ پیسر ءَ ھمے ٹاہ داتگ کہ آیاں گوں سلاہ بندیں گلاں سیادی داروکیں مردم انکاؤنٹرانی تہ ءَ کُشتگ اَنت بلے پد ءَ ھما دیم پہ دیمیں انکاؤنٹر دروگ بوتگ اَنت کہ آھانی تہ ءَ دزگیریں مردم کُشگ بوتگ اَنت۔