بلوچ لبریشن آرمی ءِ جارکش جیئند بلوچ ءَ وتی شنگ کرتگیں درشان ءِ تہ ءَ گوشتگ کہ مئے سرمچاراں گوادر ءِ دمگ جیونی ءَ زورگریں پاکستانی پوج ءِ سرا ریموٹ کنٹرول بمب اُرش ءِ کتگ ، وھدیکہ چہ نوشکی ءُ کلات ءَ زورگریں پاکستانی پوج ءِ چاریگ سمی سرپراہ ءُ نزام کرد مرگ ءِ سزا داتگ انت ۔
جارکش ءَ گوشتگ ک مروچی گوادر ءِ دمگ جیونی ءَ بلوچ لبریشن آرمی ءِ سرمچاراں پاکستانی پوج ءِ ھما کارمندانی سرا بمب اُرش ا اشتاتگ ءُ چہ گاڑیاں ملام گرگ ءَ بوتگ انت ۔ اُرش ءَ زورگریں پوج ءِ کارمند اللہ داد ھما دمان ءَ مرتگ ءُ دومی زدگ بوتگ .
تراک ءَ پد ترس آماچیں پوج ءَ پہ دیم تیرگواری کتگ چریشی ءَ بازیں لس مردمے زدگ بوتگ انت ءُ وتی زوراکی ءِ برجاہ داران ءَ بازیں مردمے آوار جتگ ۔
آئی ءَ گوشتگ بلوچ لبریشن آرمی ءِ سرمچاراں سیزدہ جون ءَ چہ گرگینہ ءَ سمیع سرپرہ ولد فتح محمد سرپرہ جھمند نوشکی پجار کنگ ءَ پد دزگیر کتگ ۔ جست ءُ پرس ءِ وھد ءَ آئی ءَ دپ ءِ وت منّ اِتگ کہ آ اکتر بادینی ءِ نیمگ ءَ چہ آئی ایس آئی ءَ ھوار بوتگ ءُ سال دوھزار چاردہ بگر تاں ھنو آئی ءَ زورگریں پوج ءُ آئی ایس آئی ءَ پہ کار کتگ ۔
جارکش ءَ گوشتگ کہ سمی ءَ دپ ءِ وت گوشتگ کہ آئی ءَ سال دوھزار چاردہ ءَ آمر جمالدینی آوار جنائینتگ کہ پدا آئی ءِ ژانگولیں جون چگل دیگ بوتگ ۔ آئی ءَ نوشکی ءَ ھوار ایندگہ کشءُ گوری ھند ءُ دمگاں گسانی سرا بیڑ ، زالبول ءُ کماشانی کم شرپی ءُ ونایانی زورانسری آوار جنی ءَ پوج ءِ ھمراہ داری کتگ ۔ یاسر جمالدینی ءَ سرینڈر کنائینگ ءُ آئی ءَ پہ پوج ءِ ھاتر ءَ کار کنگ ءَ ھم ھوار بوتگ ۔
آئی ءَ گوشتگ کہ سمی ءَ بازیں دگہ مردمے برتگ ءُ کشندہ ٹولی ءِ ھمراہ کنائینتگ ءُ پہ پوج ءَ کار گپتگ انت ۔ آئی ءَ وتی سنگتانی نام ھم داتگ انت کہ پہ پوج ءَ کار کنگ ءَ انت ۔
جارکش ءَ گوشتگ کہ بلوچ راجی آمیدگس ءَ راجی دلاری ءِ جرم ءَ آ مرگ ءِ سزا داتگ گڈا بیست ءُ سَے جون ءَ ماں لجے ءَ کشگ بوتگ ۔
جارکش ءَ گوشتگ کہ مستونگ ءِ دمگ اسپلنجی مرو ءَ سرمچاراں نظام کرد ولد ٹکری نورالدین سکنہ خلی دزگیر کتگ ءُ پدا آئی ءَ دپ ءِ وت من اتگ کہ آئی ءَ چار سالیں پہ پوج ءِ ھاتر ءَ کار کنگ ءَ ایں ۔ آئی ءَ گوشتگ کہ پوج ءِ گوشگ ءِ پدا آئی ءَ چہ اسپلنجی کولپور ءُ شال ءَ ھراب کاریں جنین ھم برتگ ھمے وھد ءَ آ وت ھم ھراب کنگ بوتگ ءُ آئی ءَ زر دیگ بوتگ ۔
جارکش ءَ گوشتگ کہ نظام کرد وت من اتگ کہ آ گوکرتئے، مچ ، ءُ مستونگ ءَ پوج ءِ لشکر کشیاں گون بوتگ ءُ باز براں پوج ءِ ھمراھی ءَ گوادر ءَ ھم شتگ ۔
جارکش ءَ گوشتگ کہ راجی آمدگس ءَ وتی کتکاریانی دپ ءِ وت منگ ءَ پد نظام کرد ھم مرگ ءِ سزا داتگ کہ گوستگیں روچ ءَ سرمچاراں آ کشتگ ۔
گڈسر ءَ جارکش ءَ گوشتگ کہ ھردو چاریگانی کوش ءُ پوج ءِ سرا بوتگیں ارشانی زمہ واریاں بی ایل اے من ایت ۔