مشکے ءُ وڈھ ءَ پنچ جتاجتائیں اُرشانی زمہ واری ءَ منّ ایں، بی ایل ایف

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ بیست یک جون ءِ بیگاہ ءَ ھپت ءَ مئے سرمچاراں مشکے ءِ دمگاں اوگار ءُ تنک ءَ برجاھیں پاکستانی پوج ءِ چیک پوسٹانی سر ءَ یکیں وھد ءَ اُرش کتگ- تنک ءَ برجاھیں زورگریں پاکستانی پوج ءِ چوکی ءِ ڈن ءَ اوشتوکیں یک کارندھے اسنائپر رائپل ءَ چہ نشانگ کتگ کُشتگ-

جارکش ءَ گْوشتگ مشکے ءِ دمگ اوگار ءَ بیست یک جون ءَ سرمچاراں دُژمن سر ءَ ایل ایم جی ءُ دگہ نوکیں ءُ مزنیں سلاھاں چہ ھما وھد ءَ اُرش کتگ وھدے شش پوجی کارندہ بُنجل ءِ نزیک ءَ ڈگاراں تر ءُ گرد ءُ کنگ ءَ بیتگ اَنت – اُرش سک نزیک ءَ کتگ چریشی ءِ آسر ءَ کارندہ مرتگ ءُ ٹپی بیتگ اَنت، وھدے کہ اُرش ءَ پد سرمچار مُھریں اوتاکاں سر ءَ بیتگ اَنت-

جارکش ءَ گْوشتگ مشکے ءِ دمگ گزی کور ءَ بیست یک جون ءَ بلوچستان لبریشن فرنٹ ءِ سرمچاراں بستگ ءُ زورگریں پاکستانی پوج ءِ کارندہ نشانگ کتگ اَنت، چریشی ءِ آسر ءَ بازیں کارندھے مرتگ ءُ ٹپی بیتگ اَنت وھدے کہ پوج ءِ کارندہ پُشتکنز بیتگ ءُ نزیکیں میتگ ءِ لوگاں چیر بیتگ اَنت-

جارکش ءَ گْوشتگ کہ دگہ یک اُرشے بیست دو جون ءِ بیگاہ ءَ سرمچاراں مشکے ءِ دمگ میسکی ءَ یوپون موباھل شرکت ٹاور سر ءَ اُرش کتگ سولر پینلز ءُ مشینری مانداشتگ ءَ تباہ کتگ اَنت-

آئی ءَ گْوشتگ کہ بیست سے جون بیگاہ کساس چار ءَ مئے سرمچاراں ھُزدار ءِ دمگ وڈھ ءَ کاکا ھیر ھند سر ءَ یک گاڑی یے نشانگ کتگ، کہ ریاستی سروکی ءَ چہ گرانبھائیں سنگ برگ ءَ بیتگ- اُرش ءَ گاڑی ءَ تاوان رس اِتگ وھدے کہ ڈرائیور ءَ ھچ وڑیں جانی تاوان نداتگ اَنت-

گُڈی ءَ جارکش ءَ گْوشتگ بی ایل ایف اے سرجمیں اُرشانی زمہ واری ءَ منّ اِیت-