شال ءُ ھاران آئی ایس آئی کارندہ ءِ کوش، پُلپانچیں شرکت ءِ مشینری تباہ کتگ اَنت- بی ایل اے

بلوچ لبریشن آرمی ءِ جارکش ءَ جیئند بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ سرمچاراں شال ءَ ھاران ءَ دو جتاجتائیں کاروائیاں زورگریں پاکستانی کارندہ ءِ کوش ءُ پُلپانچیں شرکت ءِ مشینری تباہ کتگ اَنت-

جارکش ءَ گْوشتگ بی ایل اے ءِ سرمچاراں مروچی شال وحدت کالونی ءِ نزیک ءَ زورگریں پاکستان ءِ چیریں ادارہ آئی ایس آئی ءِ کارندہ بلال آراھی جھمنند لاھور ، پنجاب سلاہ بندیں اُرش ءَ مرتگ، اے کارندہ میڈیکل سپلائر ءِ دروشم ءَ زورگریں پوج ءِ واستا چاریگی ءُ کمکاری ءَ ھوار چاریگانی کار دارگ ءَ ھم ھمگرنچ بیتگ-

جارکش ءَ گْوشتگ بلوچ لبریشن آرمی ءَ ھاران ءِ دمگ ساروان ءَ پُلپناچیں پروجیکٹ سر ءَ کارکنوکیں دگ ءَ جوڑ کنوکیں شرکت ءِ ماندارگ ءِ سائٹ سر ءَ اُرش کتگ سرجمیں مشینری مانداشتگ اَنت کہ آیانی تہ ءَ دو ٹریکٹر ءَ ھوار دگہ سے ھیوی مشینری ءُ دگہ سامان ھوار اَنت-

جارکش ءَ گْوشتگ ما دمگی ٹھیکیداراں تچک کنگ لوٹ ایں کہ آ اے پُلپانچیں پروجیکٹس ءِ بھر بیگ ءَ پھریز بہ کن اَنت اگاں ناں آ وتی جانی ءُ مالی تاوان زمہ وار وت بنت-

جارکش ءَ گْوشتگ بلوچ لبریشن آرمی اے اُرشانی زمہ واری ءَ منّ اِیت-