ڈپٹی کمشنر مستونگ ءَ لیویز ءِ 18 کارندہ چہ سروس ءَ در کتگ انت۔ اے کارروائی 21 جون ءَ تھسیل کردگاپ ءَ بوتگیں اُرش ءَ پد کنگ بوتگ کہ ایشی ءِ تہ ءَ لیویز اسٹیشن، نادر ءِ کارگس ءُ دگہ سرکاری جائیداداں سک باز تاوان رس اتگ انت۔
دمگی مردمانی رد ءَ اُرش ءِ وھد ءَ نہ ایوک ءَ لیویز اسٹیشن ءِ مزنیں بھرے تباہ کنگ بوتگ بلکیں اُرش کنوکاں سرکاری سلاہ ءُ رھوتی سامان ھم برتگ اَنت۔
کارروائی کنان ءَ ڈپٹی کمشنر مستونگ ءَ بلوچستان لیویز فورس ءِ ڈسپلنرء رولز 2015 ءِ رد ءَ 18 کارندھانی درکنگ ءِ جار پرینتگ-
سرکاری بیان ءَ گشگ بوتگ کہ اے کارندہ اُرش ءِ وھد ءَ وتی زمہ واریانی پیلو کنگ ءَ سرجم ءَ ناکام بوتگ انت کہ ایشی ءَ چہ ریاستی رٹ ءَ را ھم مزنیں تاوانے رس اتگ۔