بی وائی سی ءِ گل ءِ رھشونانی یل نہ کنگ ءُ زورانسری آوار جنی ءِ ھلاپ ءَ تربت ءَ شُدکُشیں ھڑتالی بُنجلے برجم داشتگ

بلوچ یکجھتی کمیٹی کیچ زون نیمگ ءَ چہ گل ءِ رھشونانی دراجیں مدتے ءَ چہ درکانودی بندیگجاہ ءَ دارگ آمیدگس نیمگ ءَ چہ انساپ نہ رسگ ءُ بلوچستان ءَ زورانسری آوار جنی ءِ گیش بیتگیں وئیلانی ھلاپ ءَ تربت ءَ سے روچی شُدکُشیں ھڑتالی بُنجلے برجم داشتگ-

بی وائی سی ءِ رِد ءَ اے شُدکُشیں ھڑتالی بُنجل نوزدہ جون ءَ چہ بندات بیتگ ءُ اے سے روچ ءَ تاں تربت پریس کلب ءِ دیم ءَ برجاہ ءَ اِنت-

کمیٹی ءِ گوشگ اِنت کہ گل ءِ رھشوناں تھری ایم پی او ءِ رِد ءَ بندیگ کنگ آمیدگس ءَ چہ انساپ نہ رسگ ءُ زورانسری آوار جنی ءَ گیش بیتگیں وئیل آئین ءُ کانودی تچکی ءَ ھلاپ ورزی اِنت-

بی وائی سی ءِ گوشگ اِنت کہ شُدکشیں ھڑتالی بُنجل مزنیں کچے ءَ زالبول، بی وائی سی ءِ کارکنان ءُ بیگواھیں مردم ءِ کھول ءِ ھمگرنچ بوگ وھدے کہ پولیس ءِ زھرشانی ئیں بُنجل جنگ ءَ دارگ جُھد کتگ بلے آڑان ءَ اَبید بُنجل جتگ-

درشان ءِ تہ ءَ گْوشتگ کہ سے ماہ گوزگ ءَ اَبید ماہ رنگ بلوچ، شاہ جی صبغت اللہ، بیبرگ زھری، بیبو بلوچ ءُ گلزادی ءَ ھوار بی وائی سی ءَ بازیں کارکنان بندیگجاھاں بندیگ اَنت ءُ آمیدگسانی نیمگ ءَ چہ ریاست ءِ ھک ءَ پیسلہ اے زوراوری ءِ پدری ءَ کنت کہ آمیدگس جاہ ءَ زوراوری ادارہ دست ءَ اَنت-

گل ءِ رِد ءَ بلوچستان ھائی کورٹ ءِ نیمگ ءَ چہ کیس ءَ درکنگ ءَ پد نو سپریم کورٹ نیمگ ءَ جُنزگ اے در راھبندی ءُ درکانودی دزگیری ءِ ھلاپ ءِ پیسلہ کتگ-

بی وائی سی ءَ بلوچستان ءَ زورانسری آوار جنی ءِ نوکیں درچ ءِ دلپدردی درشان کنان ءَ گوشتگ کہ بازیں بیگواھیں مردمے دروگیں میڑاں کُشگ سلاہ بندیں گلاں چہ ھمگرنچ جُھد کنگ ءَ اِنت-

گل ءَ گُڈی ءَ گْوشتگ کہ انسانی ھکانی ادارہ بلوچستان ءَ برجاہ ریاستی زوراکی ءُ بلوچ راج ھلاپ ءَ بیگ ءَ ریاستی گامگیج دارگ ءُ آئی ءِ ھلاپ ءَ کاروائی بکن اَنت-