ھوشاپ، کولواہ ءِ اُرشاں زورگریں پاکستانی پوج ءِ 5 کارندہ ءُ یک چاریگے کشتگ – بلوچ لبریشن آرمی

بلوچ لبریشن آرمی ءِ جارکش جیئند بلوچ ءَ رسانکدراں شنگ کتگیں درشان ءَ گوشتگ بلوچ لبریشن آرمی ءِ سرمچاراِ ھوشاپ ءُ کولواہ ءَ زورگریں پاکستانی پوج آئی ای ڈی ءُ سلاہ بندیں اُرشانی نشانگ کتگ ءُ تاوانانی آماچ کتگ، زھری ءَ دزگیریں ایم آئی ءِ ایجنٹ کشتگ-

جارکش ءَ گوشتگ بی ایل اے ءِ سرمچاراں کیچ ءِ دمگ ھوشاپ ءَ گونڈسرین ءِ ھند ءَ سی پیک دگ ءِ سر ءَ پھازوکی ءَ ھستیں پاکستانی پوج ءِ چیک پوسٹ نشانگ کتگ- سرمچاراں وتکار ءُ مزنیں سلاھانی کارمرد کنان ءَ دشمنیں پوج ءِ سر ءَ اُرش کتگ ءُ چریشی ءِ آسر ءَ پوج ءِ کم چہ کم یک کارندھے مرتگ ءُ بازینے زدگ کتگ-

آئی ءَ گوشتگ بلوچ لبریشن آرمی ءِ سرمچاراں شانزدہ جون ءَ کیچ ءِ ھند کولواہ ءَ بل ءِ ھند ءَ زورگریں پاکستانی پوج ءِ یک گاڑی یے ریموٹ کنٹرول آئی ای ڈی ءِ نشانگ کتگ چریشی ءِ آسر ءَ چار کارندہ مرتگ انت ءُ گاڑی سرجم ءَ تباہ بوتگ-

جارکش ءَ گوشتگ بلوچ لبریشن آرمی ءِ سرمچاراں گوستگیں روچاں ھزدار ءِ دمگ زھری ءَ زورگریں پوج ءِ چیریں ادارہ ملٹری انٹیلی جنس ( ایم آئی) ءِ یک گچینی کارندہ خضر دزگیر کتگ کہ آئی ءَ وتی پوشاک مٹ کتگ ءُ زھری شھر ءُ کش ءُ گوراں چاریگری ءَ بیتگ-

جارکش ءَ گوشتگ پٹ ءُ پول ءِ وھد ءَ آئی ءَ من اتگ کہ آ یک مِلٹری انٹیلی جنس ءِ ایجنٹے کہ آ کراچی ءَ پوج ءِ آفیسر مھمد کاشف ءَ ڈی جی خان ءُ پد ءَ بلوچستان ءِ دمگ گوادر ءَ دیم داتگ چاریگری کنان ءَ داں شال ءَ سر بیتگ آں پد ءَ کلات ءَ شتگ آں ءُ اود ءَ آفیسر قیوم ءَ گوں گند ءُ نند بیتگ ءُ پد ءَ آ زھری ءَ چاریگری ءِ واستا دیم دیگ بوتگ-

جارکش ءَ گوشتگ جرمانی منگ ءِ پژدر ءَ اے کارندہ بلوچ راجی آمیدگس ءَ مرگ ءِ سزا داتگ چریشی ءَ سرمچاراں زوت گامگیج زرتگ ءُ آسر کتگ-

جیئند بلوچ ءَ گوشتگ بلوچ لبریشن آرمی ات کاروائی ءِ زمہ واری ءَ من ایت-