مند ءُ پنجگور ءَ پاکستانی پوج ءُ ڈیتھ اسکواڈ سر ءَ اُرشاں دو کارمند کُشتگ ءُ سلاہ دستیگ کتگ اَنت- بی ایل ایف

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ شانزدہ جون ءِ شپ ھشت نیم ءَ بلوچستان لبریشن فرنٹ ءِ سرمچاراں مند ءِ دمگ مھیر ءَ پاکستانی پوج ءِ یک پوسٹے راکٹ لانچر ءُ دگہ مزنیں سلاھاں چہ اُرش کتگ ، چریشی ءِ آسر ءَ زورگریں دُژمن ءِ یک کارندھے مرتگ ءُ دو ٹپی بیتگ اَنت-

جارکش ءَ گْوشتگ اُرش ءَ پد سرمچار پہ سلامتی وتی اوتاکاں سر بیتگ اَنت-

جارکش ءَ گْوشتگ ھژدہ جون سُھب دہ ءَ پنجگور ءِ دمگ عیسیٰ سند ئے سر ءَ گل ءِ چیریں ونگ ءِ ھالانی رِد ءَ ریاستی ڈیتھ اسکواڈ ءِ باسک نعیم ء صوفی جلال نشانگ کتگ ءُ کُشتگ، وھدے کہ سرمچاراں آئی ءِ سرکاری تُپنگ ءُ دگہ سامان دستیگ کتگ ءُ وتی ھمراھی ءَ برتگ اَنت-

جارکش ءَ ڈیتھ اسکواڈ باسک نعیم بیست شش اپریل دوھزار بیست ءَ پروم ءَ گل ءِ سنگتانی میجر نورا پنّام ءِ پیرک ءُ آئی ءِ سنگتانی شھیدی ءَ تچکی ءَ ھوار بیتگ-

جارکش ءَ گْوشتگ بلوچستان لبریشن فرنٹ مند ءَ زورگریں پاکستانی پوج نشانگ کنگ ءُ پنجگور ءَ ریاستی ڈیتھ اسکواڈ باسک نعیم کوش زمہ واری ءَ منّ اِیت ءُ اے اِھد کنت کہ زورگریں پوج ءُ آئی ءِ کمکاراں ھوار پُلپانچیں منسوبھانی ھلاپ جنگی کاروائیاں تاں بلوچستان ءِ وتواجھی ءَ برجاہ دار اِیت-