بلوچستان ءِ دمگ پنجگور ءَ چارشمبے ءِ روچ ءَ ناشناسیں سلاہ بندیں مردماں تیرگواری کتگ ءُ یک مردمے کشتگ۔
اے ویل پنجگور ءِ دمگ عیسیٰ ءَ بوتگ۔ بیران بوتگیں مردم ءِ پجار نعیم ء سوپی جلال ءِ نام ءَ زانگ بوتگ۔
دمگی مردمانی گشگ اِنت کہ ”ڈیتھ اسکواڈ“ ءَ سیادی دار اِیت ءُ اے ویل ءَ پد سلاہ بندیں اُرش کنوکاں آئی ءِ سلاہ ءُ دگہ سامان گوں وت برتگ اَنت۔
بلوچستان ءَ اے اولی رند نہ انت کہ ڈیتھ اسکواڈاں گوں ھمگرنچیں مردم نشانگ جوڑ کنگ بوتگ انت۔ بلوچ آجوئی لوٹوکیں سلاہ بندیں گلاں گوست ءَ چشیں مردمانی سر ءَ باز اُرش کُتگ۔ بلے انگت ءَ اے اُرش ءِ زمہ واری کس ءَ نہ زرتگ۔
“ڈیتھ اسکواڈ” یک بے دودیں ٹولی یے کہ بلوچستان ءَ پہ ریاستی ھمایت ءَ کتگیں سلاہ بندیں گلاں کارمرز بیت کہ آھانی سر ءَ ریاستی ادارھانی ھمایت ءَ پرکار بقگ ءِ بھتام انت۔ اے گلانی سر ءَ بلوچ آجوئی ءِ جھدکار، سیاسی جھدکار، زوراکی ءَ بیگواہ کنگ، ءُ درکانودی کُشگ ءِ تہ ءَ ھوار بوھگ ءِ بھتام اِنت۔
انسانی ھکانی گلاں ریاستی ادارہ ءُ بے دودیں سلاہ بندیں گلانی کرد ءِ سر ءَ زھر ءِ درشان ءَ کنگ ءَ انت۔