بلوچستان لبریشن فرنٹ ءَ اسسٹنٹ کمشنر تمپ ءِ کسانیں ویڈیو فوٹیج شنگ کتگ کہ آئی ءِ تہ ءَ آئی ءِ توار گوشدارگ بیت کہ من بلوچ سرمچارانی دست ءَ آں ۔
زانگ بہ بیت بی ایل ایف ءِ سرمچاراں گوستگیں روچاں آپریشن ءِ وھد ءَ آ دزگیر کتگ ءُ ناشناسیں جاھے ءَ برتگ۔
بی ایل ایف ءَ وتی بیان ءَ گْوشتگ کہ بلوچستان لبریشن فرنٹ ءِ سرمچاراں چہ گل ءِ رازداریں پڑ ءَ رس اتگیں ھال ءِ رد ءَ 4 جون 2025 ءَ کارروائی کتگ ءُ اسسٹنٹ کمشنر تمپ محمد حنیف نورزئی سرینکن ءَ دزگیر کتگ۔
آئی ءَ گوشتگ کہ گیشیں پٹ ءُ پول ءِ واستا اسسٹنٹ کمشنر محمد حنیف نورزئی گل ءِ پٹ ءُ پولی ٹیم ءِ دست ءَ دئیگ بوتگ ۔ اے گل پٹ ءُ پول ءِ سرجم بوھگ ءَ پد وتی پیسلہ ءِ سرجمی ءَ جار ءَ جنت۔