آواران. ،شال : یک مردمے زورانسری آوار جنی ءِ نشانگ کنگ بیتگ ءُ یکے یل کنگ بیتگ

آواران ءِ دمگ چہ جھاؤ ءَ پاکستانی پوج سر چہ ناوشیں مردمے آوار جنگ ءَ پد زورانسری بیگواہ کتگ-

اِھوالکار رِد ءَ بیگواہ کنگ بیتگیں مردم ءِ پجّار صوالی ء عبدالعزیز نام ءَ چہ بیتگ کہ جھاؤ ءِ دمگ ڈولیجی ءِ جھمنند اِنت-

دمگی مردمانی رِد ءَ مروچی سُھب ءَ پوج آ آوار جتگ، وھدے اشی ءَ ساری آ تیرگواری ءِ نشانگ کنگ ھم بیتگ- بلے آ تیرگواری ءَ چہ رکّ اِتگ، بلے اشی ءَ پد پوج ءَ آ آوار جتگ ءُ ناشناسیں جاھے ءَ برتگ-

دمگی اِھوالکار رِد ءَ ھمے روچ ءَ چہ بازار کورک چمگ ھند سر ءَ دگہ دو مردم زورانسری آوار جنی ءِ نشانگ کتگ بلے آیانی درگت ءَ دگہ ھچ وڑیں سرپدی دیم ءَ نیتکگ-

ھمے وڑ ھرنائی ءِ دمگ کلی غریب آباد ءِ جھمنند جمعہ خان ء خان گل مری یل بیتگ – آ پاکستانی پوج ءَ سیزدہ مارچ دوھزار بیست پنچ بیگواہ کنگ بیتگ – ھمے میان ءَ جمعہ خان ءِ کھول ءَ انسانی ھکانی ادارھاں سیاسی گل ءُ بلوچ راج ءَ چہ آیانی یل کنگ ءِ ھاتر ءَ کرد پیلو بہ کن اِت-

گوستگیں شپ ءَ کساس دوازدہ ءَ آ سے ماہ ءَ پد آجو بیتگ ءُ وتی لوگ ءَ سر بیتگ-