بلوچستان ءِ دمگ ھرنائی ءَ چار مردمانی لاش دزکپتگ انت کہ تیر جنگ ءُ کشگ بیتگ انت – ھمے داب ءَ پاکستانی پوج ءَ اے مردم یک کاروائی ءِ تہ ءَ کُشگ ءِ ٹاہ داتگ –
دمگی مردمانی رد ءَ اے لاش ھرنائی ءِ دمگ سنجاوی روڈ ءِ سر ءَ تور خان ءِ ھند دست کپتگ انت کہ لاشانی سر ءَ تیرانی نشان پِر انت۔
پاکستانی لشکر ءِ ٹاہ انت کہ اے آپریشن ءَ چار سلاہ بندیں مردم بیران بوتگ انت کہ اے آپریشن انٹیلی جنس ادارھانی ھال ءِ رد ءَ کنگ بوتگ۔
گمان بیگ ءَ انت کہ پاکستانی لشکر ءَ دورگیں انکاؤنٹر ءِ تہ ءَ دزگیریں مردم کُشتگ اَنت۔
اے سال ءَ بازیں وئیل دیم ءَ اتکگ کہ آھانی تہ ءَ پیسر ءَ بیگواھیں مردم کُشگ بوتگ اَنت ءُ آھاں انکاؤنٹر ءِ نام داتگ۔