زامران ءُ شال اُرشاں پاکستانی پوج ءِ پنچ کارندھانی کوش زمہ واری بی ایل اے ءَ منّ اِتگ

بلوچ لبریشن آرمی ءِ جارکش جیئند بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں زامران ءُ شال ءَ دو جتاجتائیں اُرشاں زورگریں پاکستانی پوج ءُ آئی ءِ جھلی پوج نشانگ کتگ، چریشی ءِ آسر ءَ پنچ دُژمنیں کارندہ مرتگ ءُ یک آپیسرے ءَ ھوار بازین ئِے ٹپی بیتگ اَنت-

جارکش ءَ گْوشتگ کہ مئے سرمچاراں کیچ ءِ دمگ زامران ءَ کنڈ کاپران ءِ ھند سر ءَ زورگریں پوج ءِ کاروان سر ءَ سنگر گپتگ ءُ اُرش کتگ – اُرش ءِ نشانگ ءَ اَتکگیں دُژمن ءِ دو گاڑی اتکگ اَنت- چریشی ءَ چہ یکے سرجمی ءَ ناکارہ بیتگ- کاروائی ءِ آسر ءَ پنچ کارندہ جاہ پہ جاھی مرتگ اَنت وھدے کہ بازین ئِے ٹپی بیتگ اَنت-

جارکش ءَ گوشتگ ھمے وڑ مئے سرمچاراں دوشمبے ءِ روچ ءَ شال ءِ روکپتی بائی پاس سر ءَ برجاہ پس منڈی نزیک ءَ پولیس ءِ گاڑی دستی بمب اُرش ءَ نشانگ کتگ- اُرش ءَ ایس ایچ او نوراللہ ءَ ھوار دگہ کارندہ ٹپی بیتگ اَنت-

جارکش ءَ گوشتگ بلوچ لبریشن آرمی اے دوئیں اُرشانی زمہ واری ءَ منّ اِیت- مئے سلاہ بندیں جُھد زورگریں ریاستی پوج ءِ سرجمی ءَ دراھگ ءُ راجی آجوئی ءِ تاں برجاہ بنت-