اسسٹنٹ کمشنر تمپ مھمدھنیپ نور زئی مئے دست ءَ اِنت۔ بی ایل ایف

بلوچستان لبریشن فرنٹ ءِ جارکش ءَ ماں رسانکدر ءَ وتی شنگ کتگیں گپانی تہ ءَ گْوشتگ کہ بی ایل ایف ءِ سرمچاراں گل ءِ چیریں ونگ ءِ نیمگ ءَ رس اِتگیں ھال ءِ پد ءَ 4 جون 2025 ءَ یک کاروائی یے کتگ ءُ اسسٹنٹ کمشنر تمپ، مھمد ھنیپ نورزئی سرینکن ءَ گوں آئی ءِ کھول، سرکاری نگھپان ءُ ڈرائیور ءَ ھور وتی انگرّ ءَ کتگ ءُ گپتگ۔

آئی ءَ گْوشتگ کہ پد ءَ ھم، انسانی ءُ مردمگری ءِ رھبند ءِ رد ءَ سرمچاراں اسسٹنٹ کمشنر ءِ کھول سرجمی ءَ گوں اِزت، اھترام ءُ ھپازت ءَ یلو کتگ اَنت ءُ گوں آئی ءِ ڈرائیور ءُ نگھپاناں لوگ ءَ راہ داتگ اَنت، ءُ اسسٹنٹ کمشنر مھمد ھنیپ نورزئی پہ گیشیں پٹ ءُ پول ءِ ھاتر ءَ گلّ ءِ پٹ ءُ پولی ٹیم ءِ دست ءَ داتگ۔ پٹ ءُ پول ءِ سرجم بوگ ءَ رند گل وتی راھبُرّی ءِ جار ءَ جنت۔

جارکش ءَ گْوشتگ کہ ما رسانکدر ءِ تُرو ءَ گوں تِچکی ءَ اے گپ ءَ گْوشیں کہ اگاں اے دَوران ءَ ریاستی ادارھاں اسسٹنٹ کمشنر ءِ درگیجگ ءِ ھر چونیں پوجی یا زورانسری گامگیجے چست کت گڑا آئی ءِ سرجمیں آسرال ءُ تاوانانی زمہ وار زورگیریں پاکستانی ریاستی ادارہ بنت۔