شال ءِ رودرتکی بائی پاس ءَ پسانی منڈی ءِ نزیک ءَ پولیس کارمندانی سر ءَ دستی بمب اُرشے کنگ بیتگ، چریشی ءِ آسر ءَ ایس ایچ او ءَ ھوار سے مردم ٹپی بیتگ اَنت-
پولیس رِد ءَ ناشناسیں پرپٹ سواراں پولیس ءِ گاڑی نشانگ کتگ ءُ دستی بمبے چگل داتگ چریشی ءِ آسر ءَ تُرندیں تراکے بیتگ-
تراک ءِ آسر ءَ ایس ایچ او سک ٹپی بیتگ، وھدے کہ دو دگہ کارمند ھم ٹپی ئیں جاوراں نادُراھجاہ ءَ برتگ اَنت-
پولیس ءُ پوج ءَ دمگ انگیر ءَ کتگ سرچ آپریشن بندات بیتگ-
تنی وھدے اے اُرش زمہ واری ھچ گل ءَ نہ زرتگ-