بلوچستان ءِ دمگ چہ کیچ ءُ گوادر ءَ دزکپتگیں ھالانی رِد ءَ پاکستانی پوج ءَ جتاجتائیں دمگاں مزنیں کچے ءَ لشکر کشی بندات کتگ-
دی بلوچستان پوسٹ ءَ دزکپتگیں ھالانی رِد ءَ پوجی کاروائی ھاسکار پسنی، اورماڑہ ءِ جتاجتائیں دمگاں ھوار آئی ءِ ھمگرنچ کیچ ءِ دمگ ءِ کش گوراں ھم پوج ءِ سُر ءُ پُر گندگ بیتگ اَنت-
تنی وھدے لشکر کشی ءَ جانی تاوان یا دزگیری پدری نہ بیت نانکہ واکدار اے لشکر کشی ءِ درگت ءَ درشان شنگ کتگ-
زانگ بہ بیت کہ پاکستان پوج بلوچستان ءِ جتاجتائیں دمگاں مزنیں کچے ءَ لشکر کشی بندات کتگ، ھمے ماہ بلوچستان ءِ دمگ ھُزدار ، کلات ، مستونگ ، کیچ ءِ جتاجتائیں دمگاں مزنیں کچے ءَ پوجی لشکر کشی کنگ بیتگ وھدے کہ پنجگور ءُ ھُزدار ءَ پوجی لشکر کشی میان ءَ موباھل نیٹورک ءُ انٹربیٹ ھم بند کتگ اَنت-