بلوچستان ءِ دمگ پنجگور ءِ ھند گچک ءَ پاکستانی لشکر ءِ گاڑی بمب تراک ءَ گوں نشانگ کتگ، چریشی ءِ آسر ءَ دو کارندہ بیران وھدے کہ آ دگہ ٹپی بیتگ اَنت-
واکدار ءَ وئیل راست کنان ءَ گْوشتگ کہ تراک ریموٹ کنٹرول ڈیوائس ءِ سر ءَ کنگ بیتگ چریشی ءَ چہ گاڑی ءَ سک تاوان رس اِتگ-
تراک ءِ آسر ءَ دو کارندہ جاہ پہ جاھی بیران بیتگ اَنت وھدے کہ آ دگہ ٹپی ئیں کارندہ الاج ھاتر ءَ نادُراھجاہ ءَ برگ بیتگ اَنت-
اِھوالکار رِد ءَ تراک ھما وھد ءَ بیتگ وھدے پوج دمگ ءَ لشکر کشی کنگ واستا روگ ءَ بیتگ-
وئیل ءَ پد پوج ءَ دمگ انگیر ءَ کتگ لشکر کشی بندات کتگ-
تنی وھدے اے اُرش زمہ واری ھچ گل ءَ نہ زرتگ، بلے گوستانک ءَ اے دمگ ءَ پاکستانی پوج بلوچ آجوئی لوٹوکیں سلاہ بندیں گلانی نیمگ ءَ چہ نشانگ کنگ بیتگ اَنت-