بلوچستان لبریشن فرنٹ ءِ جارکش میجر گوھرام بلوچ ءَ ماں رسانکدر ءَ وتی شنگ کتگیں درشان ءَ گوشتگ کہ 24 مئی 2025 ءِ سھب ءِ ادار نُھ ءَ بلوچستان لبریشن فرنٹ ءِ سرمچاراں کولواہ گیشکور ءِ ھند ساجدی بازار ءَ پاکستانی لشکر ھما وھد ءَ گوں بمب ءَ نشانگ کتگ کہ دژمنیں لشکر ءِ چار کارمند پہ لشکر ءِ کاروان ءِ گاڑیانی پھازداری ءَ دگ ءَ بمب چارگ ءَ بوتگ اَنت کہ ھمے جاہ ءَ سر بوتگ اَنت چہ ایشاں پیسر ءَ سنگر گپتگ ءُ نشتگیں سرمچاراں بمب کل کتگ ءُ آیانی ودار ءَ اَنت۔
بی ایل.ایف ءِ جارکش ءَ گوشتگ بمب تراک ءَ دو کارندہ ھما جاہ ءَ مرتگ انت ءُ دو سکا ٹپی بوتگ۔ مرتگیں کارندھانی تہ ءَ یکے نائیک ولی سجان ھوار اِنت کہ آ نوشھرہ ءِ جھمنند اِنت۔
میجر گوھرام بلوچ ءَ گوشتگ زورگریں پاکستانی لشکر ءُ آدگہ لشکری کارندہ سرجمیں بلوچستان ءَ گوں سرمچاراں میڑ ءَ جنگ بوتگیں کارندھانی کچ ءُ ناماں مدام چیر دئے اَنت۔
آئی ءَ گوشتگ بلوچستان لبریشن فرنٹ کولواہ ءَ پاکستانی پوج ءِ بمب اُرش ءِ زمہ واری ءُ من ایت ءُ لشکر ءِ تہ ءَ نوکری کنوکیں پشتون، سرائیکی ءُ سندھی کارندھاں گوشگ لوٹ آں کہ آ بلوچ چکچینی ءَ پنجاپی جرنیلانی ھمراھداری ءَ مہ کن اَنت ءُ بلوچستان ءَ آیگ ءَ مکن بہ کن اَنت۔
جارکش ءَ درشان ءِ گڈی ءَ گوشتگ کہ کولواہ ساجدی بازار ءَ پاکستانی لشکر ءِ سر ءَ بمب اُرش ءِ تامر زوت چہ بی ایل ایف ءِ رسانکدری جاہ آشوب ءَ شنگ کنگ بیت انت۔