پاکستانی رینجرز ٹوھیں کساسے ءَ گوستگیں شپ ءَ کراچی ءَ بلوچ ھندانی دمگ لیاری ءَ شُتگ ءُ لوگانی سر ءَ اُرش کنگ ءُ نندوکیں مردماں دزگیر کنگ ءِ جھدے کتگ۔
ھمے وھد ءَ زالبولاں ھوار دمگ ءِ مردماں گھگیری کتگ ءُ رینجرز چہ دمگ ءَ درکُتگ اَنت۔
ھمے وڑ شھریاں اے وئیل ءِ ھلاپ ءَ زھرشانی کنگ ءِ جھد کتگ گڑا رینجرز ءَ گیشیں کارندہ لوٹارینتگ ءُ دمگی مردمانی زھرشانی داشتگ-
شھریاں گوشتگ کہ ھر روچ پورسز دمگ ءَ کاینت ءُ ورنایاں دزگیر کن انت ءُ بیگواہ کن انت ءُ پد ءَ دروگیں کیس جوڑ کن انت کہ آ دزگیر کنگ بوتگ انت ءُ اے کار نی ھمک روچیگیں کار جوڑ بوگ ءَ انت۔