آواران : زورانسری بیگواھیں مردمے ءِ لاش دزکپتگ

بلوچستان ءِ دمگ آواران ءِ ھند چہ کولواہ گشانگ ءَ گوستگیں شپ ءَ پاکستانی پوج ءِ پوجی لشکر کشی میان ءَ بیگواہ کنگ بیتگیں ورنا ساجد ناصر ءِ ٹپ ءُ ٹوریں لاش مروچی سُھب ءَ مالار چیل ھند ءَ دزکپتگ-

دمگی اِھوالکار رِد ءَ ساجد پاکستانی پوج ءُ ریاستی پلامرزی کنوکیں سلاہ بندیں ٹولی ءَ آئی ءِ لوگ ءَ چہ آوار جتگ اَت-

بیران بیتگیں ساجد ناصر مستری ناصر بلوچ ءِ چُک بیتگ، ءُ آئی ءِ لاش مروچی ٹپ ءُ ٹوریں جاوراں دزکپتگ-

زانگ بہ بیت کہ دو روچ ءَ ساری ھم ھمے دمگ ءَ لیویز کارندہ یونس رسول پوج ءَ آئی ءِ لوگ ءَ چہ آوار جتگ اَت ءُ پد آئی ءِ لاش دمب ھند سر ءَ دور دیگ بیتگ- اے وئیل ءَ پد پاکستانی پوج ءَ یونس رسول ءِ سیادی بلوچستان لبریشن فرنٹ ( بی ایل ایف ) ھمگرنچی ءِ جُھد کتگ بلے بی ایل ایف ءَ آئی ءِ ٹاہ گوں تُرندی ءَ رد کتگ اَنت-