بلوچستان ءِ دمگ ھزدار ءَ مرچی بوتگیں تراک ءِ بابت ءَ پاکستانی فوج ءِ جارکش آئی ایس پی آر ءِ رد ءَ اے اُرشکار شوربندی ناشرکاری یے بیتگ۔ آئی ایس پی آر ءِ رد ءَ اے اُرش ءَ سئے زھگاں ھوار پنچ مردم بیران ءُ بازیں مردم ٹپیگ بوتگ اَنت۔
آئی ایس پی آر ءِ گشگ اِنت کہ اے اُرش ءِ پُشت ءَ درملکی ھواریں مردم اَنت کہ آھانی سر ءَ ایجنسی ءِ بھتام انت کہ آ ھندوستان ءِ سرکاری ادارگانی گْوشگ ءِ سر ءَ پاکستان ءَ بے رھبند کنگ ءِ کوشست ءَ کنگ ءَ اَنت۔
پوجی جارکش ءَ گشتگ کہ جنگ ءِ میدان ءَ ناکام بوگ ءَ پد بھارت ءَ وتی ایجنٹ بلوچستان ءُ ھیبر پختونخوا ءَ بے امنی ءِ شنگ کنگ ءِ ھاترا پرکار کتگ انت۔
آئی ایس پی آر ءِ رد ءَ اے اُرش ءَ را ”ریاستی تک ءِ ناشرکاری“ لیکگ بوتگ ءُ گْوشگ بوتگ کہ ایشی ءِ زمہ واریں کانون ءِ تک ءَ دیم ءَ آرگ بنت۔
وئیل ءَ پد سیکورٹی فورسز ءَ دمگ انگر کتگ ءُ پٹ ءُ پول بندات کتگ ۔ ٹپیگ نزیکیں نادراھجاھاں سر کنگ بوتگ اَنت کہ گْوشگ بیت کہ لھتے ءِ جاور ھال سک نگیگ اَنت۔
انگت ءَ کس ءَ اے اُرش ءِ زمہ واری نہ زرتگ۔