بلوچستان ءِ دو جتاجتائیں دمگ باپاری شھر چہ ھب چوکی ءَ دو لاش دزکپتگ وھدے کہ چہ کیچ ءَ تیرگواری ءِ وئیل ءَ یک مردمے بیران بیتگ-
گیشیں ھالانی رِد ءَ بلیدہ ءَ ناشناسیں سلاہ بندیں مردماں تیرگواری کتگ ءُ یک مردمے کُشتگ۔
کُشگ بیتگیں مردم ءِ پجّار یاسر ء نسرم اِنت کہ آ کور ءِ پشت ءِ جھمنند اِنت۔ آئی لاش پہ چار ءُ ٹپاس کنگ ءَ نادراھجاہ ءَ برگ ءَ پد کھول ءِ دست ءَ دیگ بوتگ۔
کوش ءِ سوب انگت زانگ نہ بوتگ۔
ھمے وڑ ھب ساکران ءِ دمگ ءَ چہ درچکانی تہ ءَ یک ناشناسیں مردمے ءِ کوھنیں لاشے دزکپتگ-
اشی ءَ اَبید ھب گڈانی اسٹاپ ءِ نزیک ءَ یل نالے ءِ تہ ءَ ھم یک لاشے دزکپتگ، کہ آئی ءِ پجّار امجد نام ءَ چہ بیتگ-
پولیس ءَ دوئیں لاش دزگپتگ ءُ مردگجاہ ءَ برتگ اَنت – تنی وھدے مرگ ءِ سوب زانگ نہ بیتگ – پولیس پٹ ءُ پول کنگ ءَ اِنت-