کلات، جیونی، ءُ پنجگور ءَ پوج ءُ کارندک ملا عامر سر ءَ بیتگیں اُرشانی زمہ واری بی ایل اے ءَ منّ اِتگ اَنت

بلوچ لبریشن آرمی ءِ جارکش جیئند بلوچ ءَ شنگ کتگیں درشان ءِ تہ ءَ گْوشتگ کہ سرمچاراں کلات، جیونی ءُ پنجگور ءَ سے جتاجتائیں اُرشاں زورگریں پاکستانی پوج ءُ وتگڑیں ڈیتھ اسکواڈ ءِ چریک نشانگ کتگ اَنت- اُرشاں یکجاھی ھساب ءَ دوازدہ کارمند مرتگ ءُ ٹپی بیتگ اَنت-

جارکش ءَ گوشتگ بی ایل اے ءِ سرمچاراں شمبے ءِ شپ ءَ کلات ءِ دمگ شیخڑی ءَ مورگند ءِ ھند سر ءَ زورگریں پاکستانی پوج ءِ پوسٹ اُرش ءِ نشانگ کتگ – سرمچاراں دو نیمگ ءَ چہ یکیں وھد ءَ زورگریں پوج ءِ سنگرانی سر ءَ وتکار ءُ مزنیں سلاھاں چہ اُرش کتگ- شپ یازدہ ءَ چہ بندات بیتگیں اُرش سُھب چار ءَ تاں برجاہ بیتگ- اے اُرش ءَ زورگریں پوج ءِ شش کارندہ جاہ پہ جاھی مرتگ اَنت ءُ بازین ئِے ٹپی بیتگ اَنت، وھدے کہ دُژمن ءَ مالی تاوان چست کنگ ھم کپتگ-

جارکش ءَ گْوشتگ پنچ ادار ءَ تاں برجاھیں اُرش میان ءَ زورگریں پوج ءِ کُمک واستا آؤکیں ھیلی کاپٹر ھمے دمگ ءَ سر بیتگ اَنت، وھدے کہ دُژمن ءِ کواڈ کاپٹراں بمب شیل دور دیگ واستا کارمرز کتگ اَنت- بلے سرمچاراں شوربندی رِد ءَ زورگریں پوج ءِ بُرزی کُمک ءَ اسرمند کتگ ءُ بے دگہ جانی تاوان ءَ وتی مُھریں اوتاکاں سر بیتگ اَنت-

جارکش ءَ گْوشتگ بلوچ لبریشن آرمی ءِ سرمچاراں دگہ یک کاروائی یے شمبے ءِ شپ ءَ گوادر ءِ دمگ جیونی ءَ زورگریں پاکستانی پوج کوسٹ گارڈ یک بمب تراکے ءَ نشانگ کتگ- سرمچاراں جیونی پولیس چونگی، تاک تیاب دپ ھند سر ءَ دُژمن پوج ھما وھد ءَ دستی بمب اُرش ءَ نشانگ کتگ وھدے کوسٹ گارڈ ءِ چار کارندہ گاڑی ءَ نندوک بیتگ اَنت- تراک ءِ آسر ءَ دو کارندہ سک ٹپی بیتگ اَنت-

جارکش ءَ گْوشتگ بلوچ لبریشن آرمی ءِ سرمچاراں گوستگیں شپ ءَ پنجگور ءِ دمگ گومازین ءَ بی ایل اے ءِ انٹیلی جنس ونگ ” زراب ” چیریں ھالانی بُنیاد ءَ زورگریں پاکستانی پوج ءُ چیریں ادارھانی جوڑ کتگیں وتگڑیں ڈیتھ اسکواڈ اوتاک سر ءَ بیڑبرتگ ھاسیں کارندہ ملا عامر گوں سئیں کارندھاں ھوار کشتگ اَنت- سرمچاراں اے اوتاک سر ءَ چریکانی سلاہ سامان کہ آئی ءِ تہ ءَ یک ایل ایم جی، یک راکٹ لانچرے، یک کلاشنکوفے ، یک یو بی جی ایل، دو گاڑیاں ءُ یک پرپٹے ھوار اَنت- وتی دستیگ اَنت-

جارکش ءَ گْوشتگ چریک ملا عامر ڈیتھ اسکواڈ ءِ ھاسیں کارندھے بیتگ کہ پنجگور ءَ ھوار کیچ ءِ دمگاں زورگریں پوج ءِ کمکاری ءَ تچکی ءَ ھوار بیتگ-اے چریک لوگانی سر ءَ بیڑاں، زورانسری آوار جنی، ءُ زالبول ءُ کماشانی کم شرپی ءَ زورگریں پاکستانی پوج ءِ ھمراھی ءَ ھوار بیتگ-

جارکش ءَ گْوشتگ چریک ملا عامر ھوشاپ ءَ مارچ دوھزار بیست دو ءَ کماندار حاصل پنّام ءِ دودا ءَ ھوار ھپت سنگتانی شھیدی ءَ تچکی ءَ ھوار بیتگ، اود ءَ زورگریں پوج ءَ ڈرون اُرش ءَ چہ سرمچار نشانگ کتگ اَنت – ھمے وڑ فروری دوھزار بیست دو ءَ ھوشاپ ءَ سرمچار ماسٹر آصف بلوچ ءَ ھوار دہ سنگتانی شھیدی ءَ ھم چریک ھوار بیتگ- ھمے ٹولی ءَ اپریل دوھزار بیست چار ءَ پنجگور ءِ دمگ گرمکان ءَ بی ایل اے ءِ سنگت حسرت پنّام اسد ءُ عبدی پنّام ءِ ساوڑ ءِ شھیدی ءَ ھوار بیتگ اَنت اود ءَ زورگریں پوج ءَ گوم ءَ دراھیں شپ ءَ میڑاں پد شھیدی نوش کتگ-

جارکش ءَ گْوشتگ سرمچاراں شھیدی ءُ بلوچ کُشیں کار ءَ ھمگرنچی ءَ چہ ملا عامر بلوچ لبریشن آرمی ءِ نام دپ بیتگ، کہ سرمچاراں گوستگیں شپ ءَ آ گُڈی آسر ءَ سر کتگ-

جارکش ءَ گوشتگ بلوچ لبریشن آرمی اے اُرشانی زمہ واری ءَ منّ اِیت – زورگریں پاکستانی پوج ءُ آئی ءِ کمکارانی سر ءَ مئے اُرش برجاہ بنت-