آپریشن ھیروپ ءِ چِن ءُ لانچانی رد ءَ سرجمیں بلوچستان ءَ 51 جاھاں 71 ءَ گیش اُرش کتگ – بی ایل اے

بلوچ آجوئی لوٹوکیں سلاہ بندیں گل بلوچ لبریشن آرمی ءِ جارکش جیئند بلوچ ءَ وتی شنگ کرتگیں درشان ءِ تہ ءَ گوشتگ کہ سرمچاراں آپریشن ھیروپ ءِ پوجی چن ءُ لانچانی رِد ءَ سرجمیں بلوچستان ءَ پنجاہ ءُ یک جاھاں گیش ھپتاد ءُ یک ءَ گیش اُرش کتگ انت – اے اُرشاں پوجی کاروان، پانگس، چیریں ادارھانی بنجل، مادن بروکیں گاڑی ءُ کُشندہ ٹولی نشانگ کتگ انت – اے اُرشانی مول بس دژمن ءِ تباھی نہ بوتگ بلکیں پوجی نزیکی، زمین ءِ کنٹرول ءُ پھازگی پوزیشن ءِ چکاسگ بوتگ تانکہ باندات ءَ مھکمیں جنگے ءِ ھاتر ءَ ساجو بوگ ءِ ستک بہ بیت –

گل ءِ جارکش ءَ سرجمیں ھال داتگ ءُ گوشتگ کہ بلوچ لبریشن آرمی ءِ سرمچاراں کیچ ءِ دمگ ھوشاپ سرجمی ءَ وتی کنٹرول ءَ کتگ، سرمچاراں دمگ ء‍ بازیں جاھے ءَ سنگر گپتگ ءُ دگانی سر ءَ پٹ ءُ پُول ھم کتگ – ھمے وھد ءَ پولیس ءُ لیویز کارمندانی تانہ ءُ نادرا کارگس ءَ شُتگ کارمندانی درسیں سلاہ ءُ جنگی مڈی دستیگ کتگ انت پد ءَ رند ءَ ھردو جاہ مانداشتگ انت –
” سرمچاراں پٹ ءُ پول ءِ وھد ءَ سندھ ءَ سیادی داروکیں چاردہ مردم دزگیر کتگ انت کہ پد ءَ رند ءَ یل داتگ انت – ھوشاپ ءَ زیروپوئنٹ ءَ زورگریں پوج ءَ آیگ ءِ جھد کتگ کہ اود ءَ سرمچاراں دژمنیں پوج ءِ کاروان ءِ سر ءَ وتکاریں سلاھاں گوں اُرش کتگ ءُ چریشی ءَ دژمنیں پوج ءَ مزنین کچے ءَ جانی تاوانانی دیمپانی کنگ کپتگ “

جارکش ءَ گوشتگ کہ بی ایل اے ءِ سرمچاراں پنجگور ءِ دمگ وشبود ءَ دگ بستگ ءُ یک ادارے ءَ تاں ھمودا بوتگ انت ـ سرمچاراں پولیس ءِ دو گاڑیاں سواریں کارمند دزگیر کتگ ءُ آیانی سلاہ پچ گپتگ انت کہ آیانی سلاھانی تہ ءَ ھپت سِی تیری بوتگ انت، ھپت پستول، دو جی تِری ءُ دو انڈر بیرل گرنیڈ لانچر بوتگ انت پد ءَ رند ءَ سرمچاراں پولیس ءِ ھردو گاڑی مانداشتگ انت ءُ پولیس کارمند یل داتگ انت –

جارکش ءَ گوشتگ کہ سرمچاراں پنجگور ءِ دمگ بونستان ءَ بازیں جاھاں سنگر گپتگ ءُ چار اداراں تاں دمگ وتی کنٹرول ءَ کتگ ءُ بنجاھی شھدگ ءَ پٹ پول کتگ گڑا ھمے میان ءَ زوگریں پاکستانی پوج ءِ جوّ کتگیں کشندہ ٹولی ءِ کارمندانی گاڑی ءَ تچک ءِ جھد کتگ گڑا سرمچاراں آئی ءِ سر ءَ اُرش کتگ چریشی ءَ کشندہ ٹولی ءِ کارمند کاسم زدگ بوتگ –

بونستان ءِ دمگ مجبور آباد ءَ زورگریں پاکستانی پوج ءَ دیم ءَ ایگ ءِ جھد کتگ کہ سرمچاراں دگ بستگ ءُ آئی ءِ سر ءَ ٹوھیں اُرشے کتگ ـ اُرش ءِ زد ءَ.زورگریں پوج ءِ سَے گاڑی اتکگ انت چریشی ءَ زورگریں پوج ءِ چاردہ کارمند ھما دمان ءَ مُرتگ ءُ بازینے تچگ ءَ سوبمند بوتگ انت – اُرش ءَ زوگریں پوج ءِ یک گاڑی ءَ آس لگ اِتگ ءُوھدیکہ ایندگہ دو گاڑی دردی نہ بوتگ انت وھدیکہ دژمن ءِ سرویلنس ڈرون ھم سرمچاراں جتگ ءُ دور داتگ –

آئی ءَ گوشتگ کہ سرمچاراں پنجگور ءِ دمگ گوران ءَ ھم بازیں اداراں دگ بستگ ءُ نشتگ انت ھمے وھد ءَ مادن بروکیں گاڑی اتکگ انت کہ سرمچاراں یک گاڑی یے مانداشتگ ءُ دو ءِ سر ءَ تیرگواری کتگ ءُ آ دردی نہ کتگ انت –

ھمے وڑ پنجگور ءِ دمگ رکشان ءَ سرمچاراں بازیں اداراں تاں دگ بستگ ءُ دمگ وتی کنٹرول ءَ کتگ –

جارکش ءَ دیمتر ءَ وتی درشان ءِ تہ ءَ گوشتگ کہ بی ایل اے ءِ سرمچاراں مستونگ ءِ دمگ دشت تیرہ میل ءَ چہ بلوچستان ءَ بگر سندھ ءَ رؤکیں شھدگ 65 چار اداراں تاں بستگ ءُ سرمچاراں ھمے دمگ ءَ برجمیں زورگریں پاکستانی پوج ءِ پانگسانی سر ءَ ھم راکٹ ءُ دگہ وتکاریں سلاھاں گوں اُرش کتگ چریشی ءَ کم چہ کم سَے کارمند مُرتگ ءُ بازینے زدگ بوتگ انت – چہ ھمے پانگس ءَ سرمچارانی سر ءَ بازیں ماٹر گولھے آس دیگ بوتگ بلے سرمچار رک اِتگ انت ءُ وتی سنگر مھکمی ءَ گوں داشتگ انت –

ھمے وھد ءَ زورگریں پوج ءِ کاروانے ءَ دیم ءَ آیگ ءِ جھد کتگ کہ سرمچاراں آئی ءِ سر ءَ اُرش کتگ ءُ اے اُرش دیراں تاں برجاہ بوتگ کہ پد ءَ رند ءَ زورگریں پوج پدکنزگ ءَ لاچار بوتگ “

” مسونگ ءِ دمگ کھڈکوچہ ءَ آدینگ ءِ سھب ءَ بلوچ لبریشن آرمی ءِ سرمچاراں کرومائیٹ ءُ دگہ مادن بروکیں شش گاڑیانی سر ءَ اُرش کتگ ءُ ناکارہ کتگ انت “

جیئیند بلوچ ءَ گوشتگ کہ بی ایل اے ءِ سرمچاراں کلات ءِ دمگ گراپ ءَ زورگریں پوج ءِ بنجاھی بنجل ءِ سر ءَ نوکتریں سلاھاں گوں اُرش کتگ – اُرش ءَ زورگریں پوج ءِ پنچ کارمند ھما دمان ءَ مرتگ انت ءُکم چہ کم سَے زدگ بوتگ انت –

آئی ءَ گوشتگ کہ منگچر ءِ بنجاھی شھدگ ءِ سر ءَ زورگریں پوج ءِ یک کاروانے ءِ سر ءَ اُرش کتگ ـ اُرش ءَ پوج ءِ دو گاڑی اُرش ءِ زدگ ءَ اتکگ ءُ چریشی ءَ پنچ دژمن کارمند ھما دمان ءَ مرتگ انت –

” یک دگہ اُرشے کلات، منگچر ءَ کالج ءَ برجاھیں زورگریں پوج کارمندانی سر ءَ بازیں گرنیڈ لانچرے آس داتگ چریشی ءَ بازینے زدگ بوتگ ءُ مرتگ انت “

آئی ءَ گوشتگ کہ سرمچاراں نوشکی احمد وال ءَ چار اداراں گیش دمگ وتی انگر ءَ کتگ – سرمچاراں بازیں جاھاں سنگر گپتگ وھدیکہ شال – تپتان آرسی ڈی شھدگ ءِ سر ءَ پٹ ءُ پول کتگ ءُ چار شَکی ئیں مردم دزگیر کتگ انت کہ آیانی جست ءُ پُرس برجاہ انت –

“سرمچاراں ریلوے اسٹیشن ءُ لیویز پانگس وتی کنٹرول ءَ کتگ ءُ کارمندانی سلاہ دستیگ کتگ انت ءُ پد ءَ رندا پانگس مانداشتگ “

جارکش ءَ گوشتگ کہ سرمچاراں شال ءِ شھر ءَ چاردہ جاھاں زورگریں پوج ءِ سر ءَ گرنیڈ لانچر ءُ دزبمب اُرش کتگ – ایشانی تہ ءَ یک اُرشے شھباز ٹاؤن ءَ زورگریں پوج ءِ بنجاھی ہیڈکوارٹر، کمبرانی دگ ءَ کیپٹن سفر خان پانگس، ھزارہ ٹاؤن پانگس، برما ہوٹل سر ءِ اے این ایف، فیض آباد ءَ دو پانگس، جوائنٹ دگ ءِ پانگس ، ہزار گنجی پانگس، فیض آباد ءِ ریلوے پاٹک پوسٹ، اسپنی دگ ءِ سر ءِ پانگس ، بروری دگ ءِ سر ءِ پانگس ، کیچی بیگ تانہ دو اُرش ءُ سریاب تانہ ءِ سر ءَ یک اُرش ءِ کتگ – اے اُرشاں سرجمی ءَ زورگریں پوج ءِ چار کارمند مُرتگ ءُ کم چہ کم یازدہ زدگ بوتگ انت –

سرمچاران لسبیلہ اوتھل ءَ سول نادراھجاہ دگ ءَ بھاولپور ءِ جھمنند محمد اسگر ء فیض بخش ءُ رحیم یار خان ءِ جھمنند محمد اسحاق ء عبدالرزاق تیرباران کتگ ءُ کشتگ انت – اے ھردو مردم زورگریں پاکستانی پوج ءُ چیریں ادارھانی کارمنداں پہ کار ءَ بوتگ کہ زراب انٹلی جنس ءَ ایشانی پکائیں ھال سر بوتگ ءُ اے مرگ ءِ سزا داتگ انت –

بی ایل اے ءِ جارکش جیئند بلوچ ءَ گوشتگ کہ سرمچاراں تربت ءَ ھپت کار کتگ کہ اے کارانی تہ ءَ راکٹ اُرش ، دزبمب ءُ وتکار سلاہ کارمرز بوتگ ءُ دگ بندی ھم کتگ – سرمچاراں دشت کنچتی ءَ ایم ایٹ شھدگ دو اداراں تاں بستگ ءُ ھمے وھد ءَ زورگریں پوج ءِ بکتر بند گاڑی ءِ سر ءَ ھم اُرش کتگ –

سرمچاراں دیھات، گنہ، ناسرآباد، ھیرآباد، میرآباد، ءُ جدگال ڈن (ڈی بلوچ ءَ) زورگریں پاکستانی پوج ءِ پانگس ءُ بنجل نشانگ کتگ –

جارکش ءَ گوشتگ بی ایل اے ءِ سرمچاراں تمپ ءِ دمگ کوھاڈ ءَ زورگریں پاکستانی پوج ءِ راہ ھما وھد ءَ بستگ ءُ آئی ءِ سر ءَ اُرش کتگ کہ آ دمگ ءَ پہ لشکر کشی ءِ نیت ءَ رؤگ ءَ بوتگ – اُرش ءَ دو دشمن کارمند ھما دمان ءَ مُرتگ انت –

“سرمچاراں مند بلوچ آباد ءَ تر ءُ تاب کتگ ءُ مھلوک ءَ گوں تران کتگ وھدیکہ ھمے میان ءَ دگ بندی ھم کتگ – “

آئی ءَ گوشتگ کہ سرمچاراں تمپ ءَ گریڈ استیشن ءِ سر ءَ برجاھیں زورگریں پاکستانی پوج ایم آئی ءِ پانگس ءِ سر ءَ گرنیڈ لانچر آس داتگ –

جارکش ءَ گوشتگ کہ بلیدہ، الندور ءَ زورگریں پوج ءِ بنجل ءُ اود ءَ اشتاتگیں ایپ ڈبلیو او ءِ گاڑیانی سر ءَ اُرش کتگ – بلیدہ گلی ءَ ھم زورگریں پوج ءِ پانگس ءِ سر ءَ اُرش کتگ – اے اُرشاں پوج ءِ کم چہ کم سَے کارمند مرتگ انت وھدیکہ دژمن ءَ مالی تاوان ءِ دیمپانی کنگ کپتگ –

آئی ءَ گوشتگ کہ زامران ءِ دمگ تولنگی ءُ کلوکی ءَ دو اسنائپر اُرشاں زورگریں پوج ءِ دو کارمند کشتگ انت – سرمچاراں زامران ءِ دمگ جابشان ءَ زورگریں پاکستانی پوج ءِ پیادگ رؤکیں کارمند ریموٹ کنٹرول تراک ءِ نشانگ کتگ انت اے ھما وھد ءَ نشانگ کتگ انت کہ پانگس ءَ در اتکگ ءُ آپ ءِ آرگ ءَ رؤگ ءَ بوتگ انت کہ تراک ءَ ھردو کارمند مرتگ انت –

جارکش ءَ گوشتگ کہ بی ایل اے ءِ سرمچاراں بولان، بھاگ ءُ ڈھاڈر ءَ پولیس پانگسانی سر ءَ دز بمب اُرش کتگ –

“سھبت پور، ڈیرہ مراد جمالی، نوتال ءِ بنجاھی شھدگانی سر ءَ بازیں اداراں تاں دگ بندی کتگ ءُ ھمے وھد ءَ اشکر بروکیں سَے گاڑیانی سر ءَ ھم اُرش کتگ ءُ یکے مانداشتگ “

1. بی ایل اے ءِ جارکش جیئند بلوچ ءَ گوشتگ کی آپریشن ھیروپ ءِ رِد ءَ بی ایل اے ءِ اے مھکمیں اُرش ایوک ءَ ڈژمن ءَ جانی ءُ مالی تاوان نہ بوتگ انت بلکیں آپریشن ھیروپ ءِ دومی بھر ءِ چن ءُ لانچانی ھیلکاری بیتگ-