کیچ ءَ دو کسان سالی ئیں بچک لشکر ءِ دست ءَ بیگواہ کنگ بیتگ اَنت

بیست پنچ اپریل دوھزار بیست پنچ ءِ شپ سے ءِ نزیک ءَ بلوچستان ءِ دمگ تمپ بوستان ءَ پاکستانی لشکر ءَ بیڑبرتگ دو کسان سالی ئیں بچک آوار جتگ ءُ بیگواہ کتگ اَنت-

بیگواہ کنگ بیتگیں کسان سالی ئیں بچکانی پجّار شمیم ء غفار اُمر دہ سال ءُ عارف ء رسول بخش اُمر پانزدہ سال نام ءَ چہ بیتگ اَنت-

دمگی اِھوالکار رِد ءَ پاکستانی پوج ءِ کھول بیڑ وھد ءَ لَٹ ءُ کُٹانی نشانگ کتگ اَنت ءُ تُرندیں بیھار داتگ ءُ چک وتی ھمراھی ءَ برتگ اَنت گوں –

کھول گوشگ اِنت کہ آیاں بے توار بیگ ءُ کسے گوم ءَ ھال نہ کنگ گوشگ بیتگ ، اگاں ناں تاوان دیگ بیھار داتگ اَنت-

کھول ءَ لوٹ کتگ کہ بیگواھیں چکاں زوت یل بہ کن اِت-

زانگ بہ بیت کہ بلوچستان ءَ اے وڑیں وئیل یک نوکیں گپے نہ اِنت- اشی ءَ ساری ھم بازیں چک ءُ کماشے پاکستانی پوج دست ءَ بیگواہ کنگ بیتگ اَنت آ زورانسری آوار جنی ءِ ھلاپ بلوچ یک دھکے ءَ چہ گیش زھرشانی ءَ اَنت-

بلوچ چاگردی ءُ سیاسی پارٹی اے زورانسری آوار جنی ءِ ھلاپ ءَ ناں تھنا بلوچستان ءَ بلکیں اسلام آباد ءُ دگہ شھراں ھم یکشل ءَ زھرشانی کنگ ءَ اَنت-