ڈاکٹر ماھرنگ بلوچ ءِ کیس ءَ ما درسیں کانودی دروازگ ٹُک اِتگ انت بلے مارا انساپ جاہ ءَ کم شرپ کنگ بوتگ – گوھار

بلوچ یکجھتی کمیٹی ءِ رھشون ڈاکٹر ماھرنگ بلوچ ءِ گوھار نادیہ بلوچ ءَ گوشتگ کہ ڈاکٹر ماھرنگ بلوچ ءِ درکانودی بندیگی ءَ 3MPO ءِ رِدا ءَ دگہ سِی روچ گیش کنگ بوتگ، اے کجام انساپ ایں کہ بید جُرم ءَ مردم بندیگ کنگ بنت ءُ کتکار سربازار ترگ ءَ انت – اے کجام رھبنداں کہ راست گشوک سزا دیگ بنت ءُ زوراکی کنوک پھریزگ بنت ؟

آئی ءَ گوشتگ کہ ازیت ءُ دردی ماھے پرگوستگ کہ ماھرنگ ءَ 3MPO ءِ رِد ءَ بندیگ کنگ بوتگ – اے سرجمیں ماہ ءَ ما درسیں کانودی دروازگ ٹُک اِتگ انت کہ اے ملک ءِ کانود ءَ ھک داتگ بلے ھچ جاہ ءَ مارا انساپ نہ رس اِتگ کم شرپ کنگ بوتگ – آمیدگساں مارا مایوس کتگ – ھر سرکاری کارگس بے وسی ءَ ھوار مئے گوم ءَ مسکرا ھم کنگ بوتگ گُشے ھمک روچ مارا ھمے یاتاں پِرینگ بوتگ کہ ما اے ملک ءِ نندوک نہ ایں بلکیں دژمن انت –

آئی ءَ گوشتگ کہ وھدیکہ مردماں پُرایمنیں زھرشانی کتگ گڑا آیانی سر ءَ زلم کنگ بوتگ، آیانی گِسانی سر ءَ بیڑ برگ بوتگ ، کھول ءِ مردم ترسینگ بوتگ انت ءُ دزگیر کنگ بوتگ انت – ریاست ءَ بس مئے توار ایرموش کنگ ءِ جھد نہ کُتگ بلکیں آئی ءَ رسانک ءُ وتی سرجمیں زؤر جتگ کہ مارا بدنام بہ کنت – مارا پُرایمنیں درنگاز کنوکے ءِ جاہ ءَ ناشرکار، سلاہ بندیں ٹولی ءِ دروشم ءَ پیش داشتگ – ھما وھد ءَ ھم اے دروگ بوتگ انت ءُ مروچی ھم دروگ انت بلے تاں کدین ءَ ما اوپار کنیں وھدیکہ ھر نیمگ ءَ زلم ءُ زوراکی ءِ ساھگ مئے نسیب جوڑ کنگ بوتگ –

نادیہ بلوچ ءَ گوشتگ کہ اے بس بنکی ھکانی جنگ نہ ایں، اے یک زاتی ٹپ ئے- یک کھولے ءِ، یک گھاریے، یک ھنچیں زالبولے ءِ کہ پیش ءَ چہ وتی پت ءِ ساھگ ءَ زبھر انت – من آ درداں شری ءَ مارا آں – نوں منی گھار، منی رژن، منی زور، منی اوپار منی استاد زندانی ایں – منی اے درداں پھری اوپار کنگ ءَ کہ ھمائی ءَ مناں درونت داتگ بلے ھر یکے مھکم بوت نہ کنت – اگاں ریاست ءِ ھمے رویشت بوت گڈا دگہ چُنت انچو اوپار کت کنت؟

آئی ءَ.گوشتگ کہ ھچ ناشرکار نہ ایں ما پُرایمنیں مردماں کہ وتی ھک ءِ ھاتر ءَ اشتاتگ ایں، تو مارا ھمنچو بندیگ بہ کن ما ھاموش نہ بہ ایں –