ڈاکٹر ماہ رنگ بلوچ ءُ بیبو بلوچ ءِ بندیگی دگہ 30 روچ ءَ گیش کنگ بیتگ

بلوچستان ءِ سرکار ءَ ڈاکٹر ماہ رنگ بلوچ ءُ بیبو بلوچ تھری ایم پی او ءِ تک ءَ بندیگ کنگ ءَ دگہ 30 روچ گیش کنگ بیتگ-

گوستگیں ھپتگ ءَ بلوچستان ءِ ھائی کورٹ ءَ ماہ رنگ بلوچ ءِ کیس ءِ گوشدارینگ ءِ وھد ءَ آئی ءِ زمانت ءِ درھواست رد کتگ ءُ گیشیں کاروائی کنگ ءَ سیکریٹری داکلہ بلوچستان ءَ دیم داتگ بیتگ-

گوستگیں گپتگ ءَ آمیدگسء کاروائی ءَ پد مروچی ایڈیشنل چیف سیکریٹری داکلہ ءِ نیمگ ءَ شنگ کنگ بیتگیں نوٹیفکیشن ءِ رد ءَ ھردوکیں رھشونانی بندیگ کنگ ءَ دوبر 30 روچ گیش کتگ –

زانگ بہ بیت نامداریں بلوچ انسانی ھکانی باسک ڈاکٹر ماہ رنگ بلوچ، بیبو بلوچ 22 مارچ 2025 ءَ شال ءَ یک پُرایمنیں زھرشانی ءِ وھد ءَ بلوچ یکجھتی کمیٹی ءِ دگہ رھشونانی ھواری ءَ دزگیر کنگ بیتگ انت- آیانی ھلاپ ءَ تھری ایم پی او تک ءَ ارزی نبشتگ کنگ بیتگ- کہ پاکستان ءَ گیشتر سیاسی باسکاں ابید ٹرائل ءَ دزگیری ءَ کارمرد کن انت ئِے-

ڈاکٹر ماہ رنگ بلوچ ءَ بیبو ءَ ھوار بلوچ یکجھتی کمیٹی ءِ گلزادی بلوچ، شاہ جی سبگت اللہ، بیبرگ بلوچ ءَ ھوار بی وائی سی ءِ رھشون ءُ باسک پولیس ءِ دزگیری ءِ توک ءَ انت کہ جتا جتائیں وھداں دزگیر کنگ بیتگ انت-