پنجگور ءَ پاکستانی پوج ءِ لشکر کشی برجاہ بازیں مردمے بیگواہ ءُ چہ ڈیرہ بگٹی ءَ ھم یکے مردمے بیگوہ

بلوچستان ءِ دمگ پنجگور ءَ پاکستانی پوج ءِ لشکر کشی برجاہ ءَ اِنت بازیں مردمے آوار جنگ بیتگ ءُ وھدے کہ ڈیرہ بگٹی ءَ ھم یک مردمے آوار جنگ ءُ بیگواہ کنگ بیتگ-

گیشیں ھالانی رِد ءَ پنجگور ءِ دمگ پروم ءَ پاکستانی پوج لشکر کشی برجاہ ءَ اِنت- لوگاں ساڑی زالبول ءُ چُک تُرندیں لَٹ ءُ کُٹ لوگاں لُٹ ءُ پُل ءِ ھال سر بیتگ-

دمگی اِھوالکار گْوشگ اِنت کہ پاکستانی پوج ءَ پروم ءِ دمگ جائین انگیر ءَ کتگ لوگ لوگ ءِ پٹ ءُ پول میان ءَ چُک ءُ زالبول سک لَٹ ءُ کُٹانی نشانگ کنگ اَنت وھدے کہ لوگاں ساڑی ئیں موباھل پون ءَ ھوار گرانبھائیں سامان برتگ اَنت-

اِھوالکار گوشگ اِنت کہ اے میان ءَ پاکستانی پوج ءَ بازیں مردمے آوار جتگ تنی وھدے دو ءِ پجّار بیتگ آیانی تہ ءَ سیف اللہ ء دلمراد ءُ عبدالرحیم ء منیر ھوار اَنت-

زانگ بہ بیت پروم ءَ مروچی نیمروچ ءَ چہ پوجی لشکر کشی برجاہ ءَ اِنت، اشی ءَ ساری ھم نیمروچ ءَ پاکستانی پوج ءِ چار مردم آوار جنگ ءَ پد بیگواہ کتگ اَنت-

ھمے وڑ ڈیرہ بگٹی ءِ تھسیل سوئی ءِ دمگ چہ گوپٹ ءَ ایف سی ءِ کارندھاں لیویز کارندہ نواز علی ء ستار بگٹی زورانسری بیگواہ کتگ-

اِھوالکار رِد ءَ لیویز کارندہ وتی ڈیوٹی دیگ ءَ پد لوگ نیمگ ءَ روگ ءَ بیتگ اود ءَ چہ ایف سی ءِ کارندھاں زورانسری بیگواہ کتگ- زانگ بہ بیت اشی ءَ ساری ھم ڈیرہ بگٹی ءَ پاکستانی پوج ءِ دستاں دمگی انتزامیہ ءِ کاردار بیگواہ بیتگ اَنت-