بھاگ ءَ پولیس تھانہ سر ءَ بیتگیں بمب اُرش زمہ واری بی آر جی ءَ منّ اِتگ

بلوچ ریپبلکن گارڈز ءِ جارکش دوستین بلوچ ءَ گْوشتگ کہ مئے سرمچاراں مروچی بلوچستان ءِ دمگ بولان ءِ تھسیل بھاگ ءَ پاکستانی پولیس تھانہ ءَ اوشتوکیں پولیس گاڑی دستی بمب ءَ چہ نشانگ کتگ – تراک ءِ آسر ءَ پولیس ءَ جانی ءُ مالی تاوان چست کنگ کپتگ-

جارکش ءَ گْوشتگ کہ ما تُرندی ءَ پولیس ءَ کڈن کن ایں کہ آ زورگریں پاکستانی پوج ءِ ھمراھداری ءَ پھریز بہ کن اَنت-

جارکش ءَ گْوشتگ کہ مئے گل اے اُرش زمہ واری ءَ منّ اِیت- مئے اے وڑیں اُرش بلوچستان ءِ وتواجھی ءَ تاں برجاہ بنت-