بلوچستان ءَ انوگیں جعفر ایکسپریس جاور ءِ رِد ءَ پاکستان ریلوے دربار ءَ ریل گاڑی ءُ ریلوے اسٹیشنانی پھازگ ءَ گھتر چہ گھتریں شوربندی ٹَھ دیگ بوتگ۔
انسپکٹر جنرل ریلوے محمد طاہر رد ءَ، بلوچستان ءَ چلوکیں ریل گاڑیانی سیکیورٹی کامندانی کساس چہ 11 ءَ بگر داں 40 کُتگ اَنت۔ ھمے کارمنندھاں نوکیں سلاہ، شپ ءَ گندوکیں دورگند، ءُ اپ گریڈ کُتگیں وائرلیس سسٹم دیگ بوتگ اَنت۔
شال، سبی، ءُ مچھ ءِ ریلوے اسٹیشنانی باؤنڈری وال ءِ ماڑی ءِ شوربندی ھم دلگوش کنگ بوتگ، کہ اود ءَ برجیاں جوڑ کنگ اسنائپرز جوڑ کنگ بیت اِنت۔
چہ ایشی ءَ پد، ریلوے پولیس کارمندھانی زر ءُ اسکیل ءِ دیگہ پھازوکیں لشکرانی واستا برابر بھرگ دیم دیگ بوتگ ۔
چہ ایشاں گیش پاکستانی وزیر ریلوے ھنیف عباسی ءَ جار جَتگ کہ بلوچستان ءَ ٹرین آپریشنز پھازوکانی واستا ڈرون سرویلنس بندات کنگ بیت۔ ھمراھی ءَ، ریلوے اسٹیشنانی ءُ دیگہ ھاسیں جاگھانی سر ءَ سی سی ٹی وی کیمرہ جنگ بوگ ءَ انت تاکہ سیکیورٹی ءَ گیش مھکم کُت بکنیں۔
زانگ بہ بیُ کہ گوستگیں سال مارچ ءَ چہ بلوچ لبریشن آرمی (بی ایل اے) ءِ نیمگ ءَ جعفر ایکسپریس ءَ را ہائی جیک کنگ بوتگ اَت چمیشی ءَ چِہ ریل ءَ سوار مساپر بزگ کنگ بوتگ اِت اَنت رَند ءَ بی ایل اے ءَ درستیں لس شھری یل داتگ اَنت ءُ جعفر ایکسپریس ءَ موجود 214 پاکستانی لشکر ءِ کارمندگ کُشتگ اَنت۔
بی ایل اے ءَ دزگیر کُتگیں پاکستانی لشکر ءِ بدل ءَ بلوچانی گار ءُ بیگواہ بوتگیں مردمانی ھاتر ءَ پیش کُتگ اَت ءُ پاکستانی لشکر ءَ را 48 ساھت دیگ بوتگ اَت ھما ساھت ءَ پاکستانی لشکراں آپریشن ءِ بندات کُت چمیشی ءِ سبب ءَ بی ایل اے ءَ درستیں دو سد ءَ چہ گیش لشکر کُشت اَنت وھدے کہ بی ایل اے ءَ وتی 13 سنگتانی شھید بوگ ءِ جار جتگ اَت۔