پنجگور : پاکستانی پوج ءَ راشن سرکنوکیں گاڑی ناشناسیں مردماں دستیگ کتگ

بلوچستان ءِ دمگ پنجگور ءَ ناشناسیں مردماں پاکستانی پوج ءَ راشن سر کنوکیں یک گاڑی یے دستیگ کتگ، وھدے کہ گاڑی ءِ ڈرائیور دزگیر کنگ ءَ پد یل داتگ-

اے وئیل پنجگور ءِ دمگ پروم ءَ بیتگ کہ اود ءَ راشن بروکیں گاڑی داشتگ ءُ بید جانی تاوان ءَ ڈرائیور یل داتگ، بلے گاڑی دستیگ کتگ ءُ گوں وت برتگ-

انّگیں ماہ ءَ بلوچ آجوئی لوٹوکیں گلانی کاروائیانی تہ ءَ گیشی گندگ اَتکگ، کہ اے ناں تھنا پوج ءَ را نشانگ کنگ ءَ اَنت بلکیں پوج ءَ راشم سر کنوکیں گاڑیاں دستیگ کتگ اَنت-

بلے تنی وھدے اے وئیل زمہ واری منّگ نہ بیتگ، وھدے کہ اے دمگ ءَ بلوچ آجوئی لوٹوکیں سلاہ بندیں گل پُرکار اَنت- گوستانک ءَ ھم اے وڑیں وئیل نکش کنگ بیتگ اَنت-