لکپاس ءَ مرچی برجا بوتگیں زھرشانی ءِ نندانک ءَ چاردہ روچ سرجم بوت، اود ءَ بلوچستان نیشنل پارٹی (بی این پی) ءِ سروک سردار اختر جان مینگل ءَ چہ بھر زوروکانی میان ءَ تران کنان ءَ ، ملک ءِ سیاسی رھشونانی سر ءَ تچکی ءَ نگد کُت ءُ بلوچ راج ءِ ھکّانی واستا وتی جُھد ءُ کوشست جاڑی کنگ ءَ گیش ٹھ کُتگ۔
سردار اختر مینگل ءَ گُشتگ کہ لھتے کُچک چہ اِد ءُ اود ءَ وکّگ ءَ انت، بلے ما وتی سرڈگار ءِ ھاتر ءَ اد ءَ نشتگیں۔ تئی بھٹو پہ اقتدار ءِ واستا دزگیر بوت ءُ جان ئِے دات، ما گُلزمین ءِ ھاتر ءَ بندیگ ءُ شھید بوتیں۔ شما زندان ءَ دُزی ءُ راجی مڈیانی لُٹ ءُ پل ءِ سبب جوڑ بوت اِت، وھدے کہ ما رھبندانی ھاتر ءَ کُربانی دیگ ءَ اِیں۔”
آئی ءَ گیش تران کنان ءَ گُشت نان، پُچ ءُ لوگ ءِ جار جنوکاں مارا کپن، کبر ءُ تیر دات، ءُ مئے گدان سُوتک اَنت۔”
سردار اختر مینگل ءَ پیپلز پارٹی ءُ مسلم لیگ ن ءِ سر ءَ نگد کنان ءَ گُشت کہ درستیں ٹولی درشان ءِ ھمدردی ءِ واستا اد ءَ بیا اَنت، بلے پی پی پی ءُ ن لیگ مَیا اَنت، پرچا کہ آیاں گیش اقتدار دوستر انت۔”
آئی ءَ گُشت کہ ما شال ءَ لُٹ ءُ پل ھاتر ءَ نہ رو اِیں، بلکیں ناجائز زندان ءَ بندیگ بوتگیں مئے زالبولانی یل کنائینگ ءِ ھاتر ءَ روگ لوٹیں۔
آئی ءَ گُشت کہ صادق عمرانی ءُ علی مدد جتک ءَ چیلنج کناں کہ منی روگ ءَ پد وتی رھشوناں کاریں ءُ نندانک کنیں ءُ پیشداریں۔ ما چہ چاردہ روچاں اے ویراندگ ءَ نشتگیں۔
سردار اختر مینگل ءَ گوستگیں سرپاگواجہ آصف علی زرداری سر ءَ ھم برانز کُت ءُ گُشت زرداری ءَ سندھ ءِ سوداگری ءِ بدل ءَ لغاری تپ سر ءَ گوز بوتگ، آ چمیشکا نادراھجاہ چیر اِنت نشتگ داں کہ چہ وت ءَ لس مھلوک ءِ کست ءُ کینگ ءَ بہ رکین اِیت ۔”
آئی ءَ گُشت تو مئے مردانی گون ءَ دیم پہ دیمی میڑ کُت نہ کن ئے، مئے زالبولانی بابت ءَ جیڑگ ءَ یل دے ۔ بلوچ زالبول باسما ءُ وتن دوست انت۔”
وتی گُشتانک ءِ گُڈسر ءَ گیش تران کنان ءَ گُشت ئِے منی واستا بس زندگی ءِ دوا ءَ مہ کن، بلکیں اے دوا ءَ بکن کہ اللہ مارا شرپے ءِ مرگ ءَ بکشا اِیت۔