بلوچ یکجھتی کمیٹی ءِ کارکنانی دزگیری ءُ لَٹ ءُ کُٹ ھلاپ ءَ ھُزدار ءُ واشک ءَ زھرشانی

بلوچ یکجھتی کمیٹی ءِ سر ءَ ریاستی کریک ڈاؤن ءُ رھشونانی دزگیری ءِ ھلاپ ءَ جتاجتائیں دمگاں روانک کشگ بیتگ-

بلوچستان ءَ بلوچ یکجھتی کمیٹی ءِ رھشونانی سر ءَ کریک ڈاؤن لَٹ ءُ کُٹ ءُ دزگیریانی ھلاپ ءَ مروچی ھُزدار ءُ واشک ءَ راج ءَ روانک ءُ زھرشانی نکش کنائینتگ-

بلوچ یکجھتی کمیٹی جھالاوان ریجن ھُزدار زون ءِ نیمگ ءَ چہ بی وائی سی ءِ سروک ءُ کارکنانی درکانودی آوار جنگ ءُ زورانسری آوار جنی، پُرایمنیں زھرشانی کنوکانی سر ءَ ریاستی زوراکی، بے میاریں زھرشانی کنوکانی کوش، بلوچ دودماناں لگتمال کنگ ءُ چہ بلوچستان ءَ برجاہ ریاستی زوراکی ءِ سرھال ءِ ھلاپ ءَ زھرشانی روانک برجم داشتگ-

ھُزدار روانک ءَ زالبول ءُ چُکانی مزنیں کچے ءَ ھوار بیتگ اَنت اود ءَ کھنڈ ھائی وانگجاہ ءَ چہ جھالاوان کمپلیکس ءَ تاں مارچ کتگ ءُ ناراہ جتگ-

بی وائی سی ءِ ھلاپ ءَ کریک ڈاؤن ءُ سروکانی دزگیری ءِ ھلاپ ءَ بلوچستان ءِ دمگ واشک ءَ ھم روانک کش اِتگ چریشی ءَ مزنیں کچے ءَ مردم کہ چُک زالبول ءُ کماشانی مزنیں کچے ءَ بھر زرتگ-

روانک ءَ ھواریں مردماں بی وائی سی ءِ راھشونانی دزگیری تُرندی ءَ ایر جتگ ءُ ھکومت ءَ چہ لوٹ کتگ کہ بی وائی سی ءِ سروک ڈاکٹر ماہ رنگ بلوچ ءَ ھوار سرجمیں دزگیریں مردماں زوت یل بکن اِت-

زھرشانی روانک ءَ اے لوٹ ھم کتگ کہ سردار اختر جان مینگل ءَ بلوچ ننگ ناموس مارچ سر ءَ بیتگیں شیلنگ کریک ڈاؤن ءُ دزگیریاں ایر بہ جن اِت ءُ مارچ ءَ ھواریں مردماں ھک بدے اِت کہ آ شال ءَ برو اَنت زھرشانی نکش کت بہ کن اَنت راج اِھد کتگ کہ اھاں ھکومت زُلم ءُ نا انساپیانی سر ءَ ایر کپ اِیت گُڑا آ بے توار نہ نند اَنت-