بلوچستان ءِ بنجاھی شھر چہ شال ءُ مستونگ ءَ پاکستانی پوج ءِ دست ءَ زورانسری بیگواہ بوتگیں سے مردم یل کنگ بوتگ انت۔
اھوالانی رد ءَ ھمے سال ءِ مارچ ءَ چہ شال ءَ لوگے ءَ پاکستانی پوج ءِ دست ءَ زورانسری بیگواہ بوتگیں ورنا داؤد سمالانی یل بوتگ ءُ گس ءَ سر بوتگ۔
ھمے وڑ ءَ چہ مستونگ مرو ءَ سے ماہ پیسر پاکستانی پوج ءِ دست ءَ زورانسری بیگواھیں دو ورنا سمیع اللہ ءُ عبدالنبی ھم یل بوتگ ءُ گساں سر بوتگ اَنت۔ کھول ءَ آیانی یل بیگ ءِ ھال راست کتگ انت-