بلوچ یکجھتی کمیٹی ءِ نیمگ ءَ شنگ بیتگیں یک بیانے ءِ تہ ءَ گْوشگ بوتگ کہ مئے جھدکار گلزادی بلوچ گْوستگیں شپ ءِ 8 بج ءِ نزیک ءَ سی ٹی ڈی ءِ کارندہ ءُ پولیس ءَ پہ زور برتگ۔ آئی ءِ جاہ ءُُ نشان ساھتانی ساھتاں زانگ نہ بوتگ۔ شپ ءِ 12:00 ءِ نزیک ءَ کوئٹہ جیل ءَ آرگ ءَ پیسر مردینے سی ٹی ڈی ءِ کارندہاں بے دردی ءَ ٹارچر کتگ۔
آئی ءَ گْوشتگ کہ آئی ءَ را چار کلاک ءَ گیش جسمانی رنگ ءَ جتگ ءُ ٹارچر کنگ بوتگ۔ یک زالبولیں جھدکارے ءِ گوں اے بے انسانی سلوک بلوچ پرامن گھگیری ءِ ھلاپ ءَ ریاست ءِ برجاھیں ناشرکاری مھم ءِ بھر اِنت۔ ما وتی کارگر ءِ سر ءَ زوراکی ءِ سرجمیں ذمہ وار ریاست ءَ لیکیں۔ اے فاشسٹ پندل مئے رھادگ بوھگ ءَ رکّینت نہ کن اَنت۔