دانکہ مئے لوٹ منّگ نہ بنت، نندانک برجاہ بیت- بی این پی

بلوچستان نیشنل پارٹی ءِ سینئر نائب صدر ساجد ترین ایڈووکیٹ ءُ دگراں مروچی شپ ءِ اشتاپی پریس کانفرنس کنان ءَ گْوشتگ کہ وڈھ ءَ بی این پی ءِ درزنانی ایف سی ءِ تیرگواری ءَ چہ مزنیں کچے ءَ ٹپی بیتگ اَنت – آ کارکنان پارٹی ءِ جار سر ءَ پُرایمنی ءَ زھرشانی کنگ ءَ بیتگ اَنت-

آئی ءَ گْوشتگ کہ اسپیکر ایاز صادق ءَ ھوار آ سرجمیں ھکومتی نمائندگ کہ سردار اختر مینگل ءَ چہ گپ دیوان واستا اتکگ اَنت یا کہ پون ءِ کتگ، آیاں مستری نہ بیتگ، بلوچستان ھر چیز اسٹیبلشمنٹ ءِ دست ءَ اِنت یا تو ھیڈ ماسٹر گوشت کن ئے-

سروک ءَ گْوشتگ کہ شال ءَ پارٹی ءِ ھزرانی کارکن دزگیر ءُ درزنانی بیگواہ اَنت کہ اشی ءِ ما تُرندی ءَ ایر جن ایں ءُ آیانی پہ سلامتی لوٹ ءَ کن ایں-

دیمتر ءَ گْوشتگ کہ وڈھ ءَ یا بی این پی ءِ سروک سردار اختر جان مینگل، پارٹی راھشون یا کارکناں چیزے بیت گُڑا آئی ءِ زمہ واری بُتیں ھکومت بیت- ما باندا پارٹی دیوان لوٹائینتگ ءُ اے سرجمیں پارٹیانی ءُ مردماں چہ شور ءُ سَلاہ کن ایں آیاں مئے لانگ مارچ ءِ پلامرزی کتگ، اشی ءَ پد دیمتر ءِ پیسلھانی جار ءَ جن ایں-

آیاں گوشتگ کہ بی این پی وتی لانگ مارچ ءُ نندانک ھما وھد ءَ تاں برجاہ دار اِیت دانکہ بلوچستان ءِ سرجمیں زالبول یل کنگ نہ بنت-

اے درگت ءَ بُنجاھی سیکرٹری اطلاعات آغا حسن بلوچ، ملک نصیر شاھوانی، موسیٰ بلوچ، غلام نبی مری ، صمد بلوچ ، جمیلہ بلوچ ، چیئرمین واحد بلوچ ، گمن مری ، حاجی وحید ، شکور بلوچ ءُ دگہ ساڑی بیتگ اَنت-