بلوچ لانگ مارچ سر ءَ کریک ڈاؤن بدتریں ریاستی ناشرکاری یے – بی وائی سی

بلوچ یکجھتی کمیٹی ( BYC ) بلوچستان نیشنل پارٹی ( بی این پی) ءِ نیمگ ءَ چہ سرجمیں بلوچستان ءَ شھدگانی بندی ءُ تھتگ بندیں ھڑتال ءِ جار ءِ گوں سرجمی ءَ پلامرزی کن ایں-

بلوچ لانگ مارچ سر ءَ ریاستی کریک ڈاؤن، سیاسی کارکنانی دزگیری ءُ زھرشانی کنوکانی سر ءَ زوراکی ناشرکاری ءِ بدتریں منانک اِنت- ریاست پاکستان ءَ بلوچستان ءِ سر ءَ فاشزم اورتگ ، اود ءَ ناں تھنا سیاسی تواراں ایرموش کنگ اَنت بلکیں ھیال لیکھی آجوئی ھم سرجمی ءَ پچ گپتگ-

بلوچ یکجھتی کمیٹی ءِ سروک ءَ بلوچستان ءَ انسانی ھکانی لگتمالی ءِ ھلاپ ءَ توار چست کنگ پُشدر ءَ در کانودی ھساب ءَ جیلاں بندیگ کتگ اَنت – بستار گل ، بی وائی سی یک تُرندیں ریاستی کریک ڈاؤن ءِ دیمپانی کنگ ءَ اِنت- آیاں دزگیری ءُ زوراک ءِ ھلاپ ءَ سردار اختر جان مینگل ءَ لانگ مارچ جار کتگ، کہ آئی ءِ سر ءَ ھم یکشل ءَ ریاستی زوراکی برجاہ ءَ اِنت-

بلوچ یکجھتی کمیٹی، بی این پی ءِ زھرشانی ءِ سرجمی ءَ پلامرزی کنان ءَ سرجمیں بلوچستان ءِ کارکنان ءَ کڈن کنت کہ آ مروچی چہ سرجمیں شھدگاں بند بہ کن اَنت ءُ باندا شٹرڈاؤن ھڑتال ءَ ھرچ وڑ سوبمند بہ کن اَنت-