سندھودیش روولیوشنری آرمی ءِ جارکش سوڈھو سندھی ءَ رسانکدر ءَ شنگ کتگیں درشان ءِ تہ ءَ گْوشتگ کہ ایس آر اے ءَ گوستگیں شپ ءَ ھیدر آباد بائی پاس سر ءَ کراچی بندرگاہ ءَ چہ پنجاب ءَ سامان بروکیں کارگو ٹرالر گاڑیانی سر ءَ بیتگیں تیرگواری ءِ زمہ واری ءَ منّ ایں، چریشی ءَ گاڑیاں تاوان رس اِتگ-
آئی ءَ گْوشتگ کہ پاکستانی ریاست سندھ ءِ مڈیانی دستیگ ءُ لُٹ ءُ پُل تُرند کتگ کہ آ ھچ وڑ منّگ نہ بیت. سندھ ءِ مڈی سندھی راجی مڈی اَنت، اشانی سر ءَ پنجاب ءِ دستیگ کنگ ءَ نہ منّ ایں، پنجاب ءَ رؤکیں مڈیاں تاوان دے ایں ءُ مڈیانی سر ءَ اُرش ءَ ھم گیش تُرندر کنگ بیت-
جارکش ءَ گْوشتگ کہ سندھودیش روولیوشنری آرمی ( ایس آر اے) سندھ ءِ سرجم راجی آجوئی ءَ تاں وتی گھگیری جنگ برجاہ دارگ اِھد کن ایں-