بلوچستان: چہ گوستگیں روچ ءَ اُرشانی درچ برجاہ انت

بلوچستان ءِ جتا جتائیں جاھاں مروچی دومی روچ ءَ دگانی بندگ ےُ پورسز ءِ سر ءَ اُرش برجاہ انت-

مروچی کلات ٹول پلازہ ءِ نزیک ءَ ناشناسین مردماں پاکستانی پوج بمب اُرشے ءِ نشانگ کگگ، ھاران ءَ ڈپٹی کمشنر ءِ کارگس ءِ سر ءَ اُرش، ھمے وڑ تربت ءَ نیوی ءِ بنجل ناشناساں نشانگ کتگ-

ھمے وڑ ءَ کیچ ءِ دمگ دشت ءَ پاکستانی پوج نشانگ کنگ بیتگ، کولواہ، پسنی ءُ جیوانی ءَ ھم تراکانی توار اشکنگ بیتگ انت-

ھمے وڑ بارکھان ءَ ناشناسیں مردماں گوزوکیں بازین اداراں رکھنی ءِ ھند ءَ ناکہ بندی کتگ ءُ گشت کنگ ءَ اَنت-

ھمے وڑ ءَ پاکستانی پورسز ءِ سر ءَ اُرش ءُ پولیس ءِ کارگس ماندارگ ءُ سلاھ ءُ سامانی دستیگ کنگ ءِ ھال انت-

ھمے وڑ واپاری شھر ھب ءَ ناشناسیں مردماں سٹی تھانہ ءَ دزبمبے چگل داتگ –

زانگ بہ بیت بلوچستان ءَ اُرشانی درچ برجاہ انت ءُ گوستگیں بیگاہ ءَ بندات بیتگیں اَرش برجاہ انت- اے اُرشانی زمہ واری انگت ءَ کس ءَ پہ وت نہ زرتگ انت ءُ ھمے وڑ پاکستان ءِ سروزیر شھباز ءُ بلوچستان ءِ سروزیر سرفراز بگٹی ءَ اُرش ایر جتگ انت-