بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ بی ایل اے ءِ سرمچاراں کلات ءَ یک اُرشے ءَ زورگریں پاکستانی پوج نشانگ کتگ سک تاوان ءِ دیمپان کتگ-
جارکش ءَ گْوشتگ کہ بی ایل اے ءِ سرمچاراں کلات ءِ دمگ ھربوئی ءَ زورگریں پاکستانی پوج ءِ کاروان ءَ ھوار یک گاڑی یے ریموٹ کنٹرول آئی ای ڈی اُرش نشانگ کتگ، تراک آسر ءَ پنچ دُژمنیں کارندہ جاہ پہ جاھی مرتگ اَنت ءُ میجر رینک ءِ آفیسر ءَ ھوار سے کارندہ سک ٹپی بیتگ اَنت وھدے کہ دُژمنیں پوج ءِ گاڑی سرجمی ءَ تباہ بیتگ-
جارکش ءَ گْوشتگ کہ زورگریں پاکستانی پوج گوستگیں روچ ءَ ھربوئی ءُ کش گور ءَ زوراکی ءِ نئیت ءَ چہ پیشکدامی ءِ جُھد کنگ ءَ بیتگ کہ سرمچاراں اُرش ءِ نشانگ کتگ ءُ مروچی پد ءَ پُشکنزی ءَ لاچار بیتگ-
جارکش ءَ گْوشتگ کہ بلوچ لبریشن آرمی اے اُرش زمہ واری ءَ منّ اِیت-